Author: Author 04

Претседателката Гордана Сиљановска-Давкова се обрати на одбележувањето на Меѓународниот ден на мајчиниот јазик, што традиционално го организира Институтот за македонски јазик „Крсте Мисирков“. Во своето обраќање, претседателката нагласи дека мајчиниот јазик не е само инструмент за комуникација, туку и чувар на семејната и национална традиција, на духовното богатство и култура на еден народ. Таа посочи дека образованието на мајчин јазик има клучна улога во интелектуалниот и емоционалниот развој на поединецот, а почитувањето на јазичната разновидност значи почитување на културната различност. Говорејќи дека јазикот е темел на идентитетот, чувар на колективната меморија во којашто се запишани искуствата на минатите генерации и…

Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената положба и овластување“. Според информациите на МВР, во периодот од август 2024 година до септември 2025 година, С.Н. во својство на градоначалник на општина Росоман, во два наврати ги пречекорил границите на службеното овластување и од Буџетот на општина Росоман противправно биле прибавени парични средства во вкупен износ од околу 500.000 денари, кои биле присилно наплатени од извршител за личен долг на С.Н..

Заменик-министерот за надворешни работи, Зоран Димитровски, денеска од собраниската говорница информираше дека Македонија, во координација со останатите земји од Западен Балкан, води интензивна дипломатска офанзива во Брисел. Целта е промена на рестриктивните мерки кои веќе подолг период ги кочат транспортерите од регионот. „Се организиравме како влади за да вршиме притисок во Брисел. Конечно на 11 февруари беа изнесени 50-тина предлози за промена на состојбата. Иако засега нема целосно разбирање од земјите членки на ЕУ, тоа не значи дека работата е завршена. Ние продолжуваме понатаму“, дециден беше Димитровски во одговор на пратеничко прашање од СДСМ.

Како СДСМ може да обезбедат пари за минимална плата? Да го вратат она што го испокрадоа во време на нивното 7 годишно владеење, напиша во објава на социјалните мрежи Дафина Стојаноска, пратеничка од ВМРО-ДПМНЕ. „Ако ова не го сторат самите, тогаш многу скоро низ судски процеси ќе враќаат сѐ што испокрадоа, заедно со казни затвор за истото. А, ако случајно во Буџетот ги најдат парите за кои зборуваат, тогаш веднаш ќе ги пренамениме за хуманитарни цели. Инаку, парите за минималецот може веднаш да се најдат – дел на Водно (кај хациендите на Филипче), дел во Дубаи и дел во Струмица…

Земјоделството во 2025 година бележи сериозни позитивни трендови, потврди денеска министерот Цветан Трипуновски од Струмица. Според официјалните податоци, во последното тримесечје откупот и продажбата достигнале рекордни 12,5 милијарди денари, што е за 15 отсто повеќе во споредба со истиот период претходната година. Трипуновски појасни дека овој раст не се должи само на цените, туку на зголемениот квантитет кај речиси сите култури. Државниот завод за статистика бележи поголеми количини на пченица, грозје и јаболка, а силен замав има и во сточарството. „Ова е јасен показател дека 2025 беше успешна година со зголемен интензитет на откуп и извоз“, истакна министерот за време…

Општина Битола, во соработка со јавното претпријатие „Паркинзи“, постави физички пречки – столпчиња – со цел да се означи пешачка патека од двете страни на дел од улицата „Св. Кирил и Методиј“, која води од кај градската библиотека кон зградата на поранешната општина. Со новите мерки, паркирањето на автомобили што го попречуваа движењето на пешаците е забрането, а улицата е организирана како еднонасочна. Вертикалната и хоризонталната сигнализација дополнително го обезбедуваат непреченото движење на граѓаните. Градоначалникот Тони Коњановски истакна дека со ова се зголемува безбедноста на пешаците и се подобрува урбаната мобилност во централното подрачје на Битола.

Општина Битола објавува Јавен повик за поддршка на лица со ретки болести за патни трошоци до болница надвор од Битола и нивни потреби, односно финансиска поддршка на лица со ретки болести кои што се наоѓаат во незавидна положба за надминување на истата. Критериумите и условите како и потребните документи кои едно лице треба да ги исполнува и достави за искористување на средства од Програма за социјална заштита на Општина Битола во делот на финансиска поддршка на лица со ретки болести се на следниот линк: https://www.bitola.gov.mk/lica-so-retki-bolesti/ Периодот на пријавување е отворен во текот на цела година до целосно искористување на средствата при…

Министерката за образование и наука, Весна Јаневска, денеска од собраниската говорница упати јасен апел до високообразовните установи во земјава. Одговарајќи на прашањето на пратеникот Халил Снопче околу достапноста на студии на мајчин јазик и недостигот на стручен кадар, таа потенцираше дека автономијата на универзитетите треба да се користи за стратешко планирање според пазарот на труд. „Универзитетите во Тетово и ‘Мајка Тереза’ постојат со децении и самите можат да одлучат кои студиски програми ќе ги воведат. Државата вложува средства, но очекуваме со новиот закон тие да се насочат кон насоки од кои државата и стопанството навистина имаат потреба“, истакна Јаневска, нагласувајќи…

Министерот за внатрешни работи Панче Тошковски денеска во кругот на министерството присуствуваше на предавање на опрема обезбедена во соработка со Американската амбасада во Македонија и програмата АТА. Се работи за донација за опрема за потребите на Единицата за откривање и демонтирање на експлозивни средства и направи во Секторот за борба против тероризам, насилен екстремизам и радикализам при Одделот за сузбивање на организиран и сериозен криминал. „Денес покажуваме дека нашето стратешко партнерство со САД е на одлично ниво. Упатувам огромна благодарност на целиот тим на американската амбасада во Македонија. Нивната лична заложба креира додадена вредност да ја обезбедиме оваа значајна опрема…

Министерот за надворешни работи и надворешна трговија, Тимчо Муцунски, денеска учествуваше на важниот министерски состанок во Тирана посветен на Коридор VIII. Денеска во Тирана, на покана на министерката Елиса Спиропали, учествував на Министерскиот состанок „Коридор VIII во стратешкиот момент на Европа: Поврзаност, отпорност преку воена мобилност и споделен просперитет преку интеграција“, истакна Муцунски. Муцунски ја нагласи економската и политичката важност на проектот, истакнувајќи дека неговиот успех подразбира целосно вклучување на сите клучни актери. Улогата на Италија како значаен фактор на Јадранот и на Романија како клучна држава на Црното Море и во регионалната економија е суштинска за Коридор VIII да…