Author: Author 01

Голема количина на наркотична дрога е запленета во координирана акција на Основното јавно обвинителство Скопје и Министерството за внатрешни работи. Вчера, во селото Горно Количани, полицијата пресретнала автомобил „БМВ Х5“ со скопски регистарски ознаки, управуван од 26-годишен скопјанец. По добиена наредба од судија на претходна постапка, извршен е детален претрес на возилото. Полициските службеници откриле импровизиран бункер во подвозјето на џипот, каде биле сокриени 10 килограми кокаин со висока чистота. Основното јавно обвинителство Скопје поведе истрага против 26-годишниот возач за неовластено производство и пуштање во промет на наркотични дроги. „Бидејќи станува збор за големо количество дрога, се издадени наредби за испитување…

Почина двегодишното дете кое на новогодишната ноќ било примено со метално парче во главата. Основното јавно обвинителство нареди обдукција на телото на детето. Лекарите вчера соопштија дека примиле двегодишно дете со прострелна рана во главата и дека е во тешка состојба. Меѓутоа, министерот за внатрешни работи Панче Тошковски потоа кажа дека истражните органи сѐ уште не можат да потврдат дека станува збор за прострелна рана. Постојат повеќе теории, рече тој.

Веста за страотниот пожар во швајцарскиот ски-центар Кран-Монтана, кој однесе најмалку 47 животи, ги отвори старите рани во Кочани. Роднините на загинатите во пожарот во „Пулс“, обединети во Здружението „16-ти март 2025“, испратија емотивно писмо до Швајцарската амбасада, изразувајќи длабока солидарност со семејствата на настраданите. „Ние, семејствата на починатите во пожарот во Кочани, знаеме што значи ненадејно да ти се урне светот. Знаеме како боли кога ќе остане празно столче, кога тишината зборува погласно од зборовите“, стои во нивната порака. Тие истакнуваат дека оваа трагедија ги вратила во денот кога нивните животи се поделиле на „пред“ и „по“. „Од срце…

Започната е темелна реконструкција на Јавната општинска установа за деца – градинка „Мајски Цвет“ во населбата Тафталиџе 1, објави премиерот Христијан Мицкоски. Станува збор за инвестиција вредна 108.941.063 денари, финансирана од Владата преку Министерството за социјална политика, демографија и млади. Проектот предвидува целосно обновување на објектот, вклучувајќи замена на покривната конструкција, реконструкција на внатрешните простории, обновување на санитарните јазли и поставување на нова топлотна изолација. „Со реализацијата на овој проект, не само што се модернизира објектот, туку и се овозможува простор што ги стимулира креативниот и социјалниот развој на децата“, истакна премиерот, додавајќи дека целта е создавање на енергетски ефикасен и…

Основното јавно обвинителство Скопје поднесе Обвинителен акт против 37-годишен скопјанец за сообраќајната несреќа што се случи на 3 ноември 2025 година, во која животот го загуби велосипедистот Јорго Ќука. На обвинетиот му се става на товар дека сторил „тешки дела против безбедноста на луѓето и имотот во сообраќајот“. Според обвинението, тој управувал автомобил „Фолксваген пасат“ по булеварот „Гоце Делчев“. Пред крстосницата со улицата „Лазар Личеноски“, тој не ја приспособил брзината пред пешачкиот премин. „Возел со 53 километри на час, што е повеќе од дозволеното, и не успеал навремено да запре. Со предниот дел од возилото удрил во велосипедот кој во…

Утрово се измерени многу ниски температури низ целата држава, информира Управата за хидрометеоролошки работи. Рекордер е Берово со -13 степени, но ништо потопло не беше ниту во Скопје, каде кај Петровец се измерени -11 степени, а на Зајчев Рид -9. Во Штип и Кавадарци утрово е -8, а во Охрид -7 степени. За денеска метеоролозите најавуваат променливо облачно и студено време. Попладне во западните краишта ќе има врнежи од дожд и снег. Во Скопје максималната температура ќе достигне едвај 3 степени, проследена со умерен јужен ветер.

Министерот за надворешни работи и надворешна трговија, Тимчо Муцински, оствари телефонски разговор со швајцарскиот амбасадор Кристоф Зомер, по катастрофалниот пожар во Кран-Монтана кој однесе околу 40 животи. Муцунски изрази подготвеност државата да ги стави на располагање своите медицински капацитети. „Изразив подготвеност нашата држава да прифати повредени пациенти и да обезбеди соодветна медицинска поддршка во нашите здравствени установи“, информираше министерот. Дополнително, Македонија понуди и испраќање на стручен кадар. „Доколку има потреба, подготвени сме и македонски лекари – специјалисти, кои беа директно вклучени во лекувањето по трагедијата во Кочани, веднаш да заминат во Швајцарија и да помогнат во процесот на лекување“, порача…

Првата идентификувана жртва на катастрофалниот пожар што избувна за време на новогодишната прослава во швајцарскиот ски-центар Кран-Монтана е 17-годишниот италијански голфер Емануеле Галепини. Тажната вест ја потврди Италијанската голф федерација, опишувајќи го како „млад спортист кој отелотворуваше страст и вистински вредности“. Додека семејствата тагуваат, излегуваат морничави детали за причината за несреќата. Сведоци за француските медиуми тврдат дека пеколот настанал од прскалки за роденден прикачени на шишиња шампањ. „Келнерките носеа шишиња шампањ со прскалки кои беа премногу блиску до таванот. Целиот таван беше во пламен за неколку секунди“, раскажуваат преживеаните, додавајќи дека морале да кршат прозорци за да избегаат од густиот чад.

Претседателот на Владата, Христијан Мицкоски, денеска ќе престојува во посета на Општина Кочани, каде што ќе присуствува на отворањето на новата детска градинка. Станува збор за објектот „Детелинки“, кој функционира во состав на Јавната општинска установа за деца „Павлина Велјанова“. Според информациите од владината прес-служба, новата градинка има капацитет да згрижи 114 деца. Во неа ќе бидат сместени дечиња на возраст од девет месеци до шест години, кои ќе бидат распоредени во вкупно шест воспитни групи.

Денешниот ден ни носи вистински зимски амбиент со исклучително ниски утрински температури. Според УХМР, минималната температура утрово се движеше во интервал од -14 до -6 степени. Времето ќе биде променливо облачно со сончеви периоди. Сепак, во попладневните часови во западните делови од земјата се очекува слаб локален дожд, додека на планините ќе врне снег. Ќе дува слаб до умерен ветер од југозападен правец. Максималните дневни температури ќе се движат од -4 до 6 степени. Во Скопје е студено, со минимална температура од -11 степени, додека дневната ќе достигне едвај до 3 степени. Времето ќе биде променливо облачно со сончеви периоди и умерен јужен ветер.