Мечка нападнала и усмртила десет овци во импровизирана штала во атарот на тетовското село Камењане. Инцидентот вчера бил пријавен во полициското одделение во Камењане.
Според информациите од Секторот за внатрешни работи Тетово, случајот во полиција го пријавил самиот сопственик на стадото.
Пријавата во полиција пристигнала вчера, на 17 мај, околу 14:30 часот, од страна на 69-годишниот Ф.Р. од селото Камењане.
Нападот од дивото животно се случил на местото викано „Душки“, лоцирано над селото Камењане, во правец кон селото Јеловјане.
По добиената пријава, увидна екипа од СВР Тетово веднаш излегла на терен.
Полицијата извршила комплетен увид на местото на настанот за да ја утврди фактичката состојба и причинетата материјална штета од нападот.