Дваесет и четиригодишно момче почина синоќа во својот дом во кавадаречкото село Возарци. Случајот во полицијата бил пријавен во 22:30 часот, информираат денеска од Секторот за внатрешни работи Велес.
На местото на настанот веднаш пристигнала екипа на Итната медицинска помош од Кавадарци. Дежурниот лекар констатирал смрт кај лицето со иницијали С.П., при што при првичниот преглед не биле забележани видливи траги на насилство.
Сепак, за да се отстранат сите сомнежи и да се утврди точната причина за прераната смрт, јавниот обвинител издал наредба телото на починатиот да биде предадено на обдукција.