Author: Author 01

Претседателот на СДСМ, Венко Филипче, ја искористи новогодишната честитка до граѓаните за да испрати и силна политичка порака. Посакувајќи добро здравје и среќа, тој повика на промени во годината што доаѓа. „Нека оваа 2026 година биде подобра година за секое семејство… Нека донесе нова надеж за промени и за подобра иднина, ослободена од криминалната група на власт“, порача лидерот на опозицијата. Филипче најави дека неговата партија, обединета околу социјалдемократските вредности, со нова сила ќе продолжи да се бори против актуелната власт, а за правда и подобар живот на граѓаните.

Празничната еуфорија во неколку домови во Полошкиот регион се претворила во кошмар поради семејно насилство. Во тетовско село, 45-годишна жена во 18:20 часот на 31 декември пријавила ужасен напад. Нејзиниот сопруг Б.П. физички ја нападнал во семејниот дом, а притоа ѝ се заканувал и со остар предмет. Полицијата презема мерки против насилникот. Истиот ден во Гостивар, околу 13:00 часот, уапсен е 61-годишниот Р.М. Тој е лишен од слобода откако физички го нападнал својот 64-годишен брат. Полицијата регистрираше и други физички пресметки – 25-годишник бил нападнат во село Раковец, а 34-годишник од Слатино пријавил дека бил претепан од група луѓе во…

Серија тешки сообраќајни инциденти ја одбележаа ноќта во Тетово, а во еден од нив настрадаа и полициски службеници. Во 00:54 часот, полицијата го уапсила 19-годишниот А.З. од Порој. Тој пијан, со 1,68 промили алкохол, управувајќи „Голф“ удрил во рабник на улицата „Иво Рибар Лола“. Драмата продолжила во тетовската болница каде, додека му укажувале помош и земале крв за анализа, тој физички ги нападнал полицајците. Ќе одговара за „безобѕирно управување со моторно возило“ и напад врз службено лице. Само еден час подоцна (01:50 часот), тешка несреќа се случила на улицата „Браќа Миладиновци“. Возило „Голф“ управувано од 22-годишниот А.М. од Шемшево излетало од…

Бурна новогодишна ноќ во Гостивар со серија инциденти во угостителски објекти, вклучувајќи пукање од пиштол и физички пресметки. Најсериозниот инцидент се случил 20 минути по полноќ во објект на улицата „ЈНА“. Според полицијата, 17-годишник од Германија испукал неколку куршуми од гасен пиштол „Валтер“ внатре во објектот, откако претходно бил нападнат од 33-годишниот Е.И. Полицијата веднаш интервенирала, при што малолетникот е приведен и одземен му е пиштолот. Во истиот објект, приведен е и В.А. (21) кој нападнал полициски службеник додека интервенирал. Неколку часа подоцна, во 04:30 часот, во Ургентниот центар во Гостивар завршил З.М. (51). Тој пријавил дека по кратка расправија во друг…

Точно на полноќ, во моментот кога настапи Новата 2026 година, Скопје ја доби најубавата вест. Првото новороденче во главниот град е девојче по име Евгенија Камчева. Градоначалникот на Скопје, Орце Ѓорѓиевски, преку емотивна објава упати искрени честитки до мајката Емилија и го поздрави доаѓањето на новиот живот како симбол на надеж и радост. „Нов живот, нова надеж и силен симбол за почеток исполнет со радост и вера во иднината. Добредојде, Евгенија. Ти си најубавиот почеток на новата година“, напиша Ѓорѓиевски. Тој посака малата Евгенија да расте во здраво и среќно општество, во град што ќе ѝ овозможи да сонува и напредува.…

Светот е во шок по трагичната вест што пристигна од Швајцарија во првите часови на 2026 година. Најмалку 40 луѓе загинале, а околу 100 се повредени во силна експлозија и пожар во барот „Ле Констелашн“ во елитниот скијачки центар Кран-Монтана. Експлозијата одекнала околу 01:30 часот по локално време, додека објектот бил полн со гости кои ја славеле Новата година. Иако швајцарската полиција официјално потврди „неколку десетици загинати“, италијанското Министерство за надворешни работи, повикувајќи се на локалните власти, излезе со бројка од најмалку 40 жртви. Состојбата е страотна – многу од телата се толку тешко изгорени што идентификацијата е оневозможена во…

Три лица се лишени од слобода во Велес, Тетово и Кочани поради возење под дејство на алкохол и предизвикување опасност во сообраќајот на 1 јануари. Еве го билансот на полицијата: Полицијата најави кривични пријави по член 297-а од Кривичниот законик.

Вицепремиерот и министер за транспорт, Александар Николоски, упати новогодишна честитка до граѓаните, најавувајќи дека годината што претстои ќе биде во знакот на интензивна работа и нови капитални зафати. „Во новата 2026 година влегуваме со зголемено темпо и уште повеќе проекти за Македонија!“, напиша Николоски на својот Фејсбук профил. Тој сподели и видео-осврт на, како што ја нарече, „одличната 2025 година“, во која биле започнати и завршени многу проекти, посакувајќи им на граѓаните среќна и весела година.

Од денеска, 1 јануари 2026 година, Бугарија официјално стана 21-ва членка на Еврозоната, со што левот се заменува со еврото како нова национална валута. Оваа промена е значајна и за македонските граѓани кои често патуваат кај источниот сосед. Иако еврото е официјално во употреба, следува преоден период. До 31 јануари ќе може да се плаќа и во левови, но трговците ќе мора кусурот да го враќаат исклучиво во евра. Фиксниот курс на конверзија е утврден на 1,95583 лева за едно евро. Од утрово, дури 96% од банкоматите во Бугарија издаваат само евробанкноти, а останатите ќе се прилагодат во следните две недели. За да…

Претседателот на Владата, Христијан Мицкоски, одлучи почетокот на Новата 2026 година да го дочека под отворено небо, во срцето на главниот град, опкружен со граѓаните. Неколку минути по полноќ, тој на својот фејсбук-профил сподели фотографии од атмосферата на плоштадот „Македонија“, каде што беше во придружба на својата сопруга Рози и градоначалникот на Град Скопје, Орце Ѓорѓиевски. „Заедно со нашиот народ на плоштадот Македонија да ја дочекаме Новата година. Да посакам добро здравје, разбирање и успеси за секој еден човек на нашата Македонија. Среќна Нова година!“, напиша премиерот во својата објава.