Претседателката на Форумот на жени на СДСМ, Каја Шукова, на денешната прес-конференција упати остри критики за јавните настапи на одредени јавни личности, обвинувајќи ги за ширење навреди, понижувања и говор на омраза насочен кон жените во општеството.
Од опозициската партија соопштија дека последни жртви на ваквите напади се македонската пејачка Каролина Гочева, како и портпаролката и жените членки на СДСМ, поради што најавуваат соодветни правни пријави.
Како дел од барањата, Шукова побара итно разрешување на Миленко Неделковски од функцијата извршек директор на ФК Вардар, како и санкционирање на Сашо Тасевски преку блокирање на неговите содржини на социјалните мрежи.
Според партискиот став на СДСМ, актуелната состојба со реториката во јавноста е директна последица на долгогодишните политички стратегии на владејачката партија.
„Сето ова е резултат на политиката на говор на омраза, поделби и пропаганда што со години ја гради ВМРО-ОКГ, со помош на орбановата мрежа на медиуми и ботови, ликови како Латас како медиумски координатор, и се тоа со амин лично на Христијан Мицкоски“, изјави Шукова.
Од Форумот на жени обвинуваат дека на социјалните мрежи се координира организирана кампања за деградација на неистомислениците, активистите и новинарите кои ја критикуваат власта.
Шукова упати критика и до Унијата на жени на ВМРО-ДПМНЕ поради отсуството на реакција и јавна осуда за овие појави.
На крајот, од СДСМ порачаа дека продолжуваат со борбата против сите форми на насилство и деградација преку обединување во соодветен фронт за заштита на достоинството на жените.