Author: Author 01

Околу 36 ракети и речиси 600 дронови биле лансирани од руските сили за време на масовниот напад врз Украина во текот на изминатата ноќ и утрово. Информацијата ја соопшти украинскиот претседател Володимир Зеленски, потврдувајќи дека во нападите има и човечки жртви. „Главните цели на нападот беа енергетски и цивилни објекти, а голема штета беше предизвикана и од пожарите во станбените згради. Засега е познато дека десетици луѓе се повредени, а тројца се убиени“, рече Зеленски. Тој нагласи дека е клучно да се обезбеди доволен број ракети за системите за воздушна одбрана, со цел да се заштити Украина, но и да…

Координирана акција на македонската полиција, царината и службеници на Фронтекс пресече канал за илегално внесување на ловечка муниција на граничниот премин Стар Дојран. Тројца грчки државјани се лишени од слобода откако во три одделни случаи, во нивните возила биле пронајдени вкупно околу 200 патрони кои се обиделе да ги прошверцуваат во земјава. Поради основано сомнение, против нив е поведена постапка за сторено кривично дело по член 396 од Кривичниот законик – „недозволено изработување, држење и тргување со оружје и експлозивни материи”. „На 28.11.2025 година на Граничен премин Стар Дојран лишени од слобода се три лица поради основано сомнение за сторено кривично дело по член…

Информациите дека печката за производство на фероникел во ФЕНИ е изгасена се загрижувачки и укажуваат дека новиот инвеститор нема намера да започне со рестарт на фабриката во скоро време, обвинија денеска од општинската организација на СДСМ Кавадарци. Според Вуко Мелов, советник и претседател на ОО СДСМ Кавадарци, гаснењето на печката значи дека реконструкцијата и повторното пуштање во употреба ќе одземе долг временски период, што ќе предизвика сериозна штета за економскиот развој на градот. Опозициската партија обвинува дека пропаднале сите изјави и најави на премиерот Христијан Мицкоски и градоначалникот Митко Јанчев за наводен рестарт на компанијата. „Власта ги остави работниците буквално…

Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ. Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.

Бесплатни уролошки прегледи, како и ехо прегледи на бубрези и простата, ќе се вршат денеска со почеток во 10 часот во амбулантата на Специјализираната болница за геријатриска и палијативна медицина „13 Ноември“ – Скопје. Акцијата се организира по повод Месецот на машкото здравје – Мовембер, со цел да се подигне свесноста за значењето на навремената грижа и превенцијата. Прегледите ќе ги врши стручен тим составен од Дарко Марковски, уролог од ГОБ „8-ми Септември“, како и докторките Марика Филипова и Марија Сековска, специјалисти интернисти во болницата „13 Ноември“. „Ова е одлична можност за навремена проверка, превенција и грижа за здравјето“, информираат…

Водата во Основното училиште „Димо Хаџи Димов“ во скопски Карпош е санитарно исправна и може непречено да се употребува, покажаа резултатите од вонредниот надзор што го изврши ЈП „Водовод и канализација“. Анализите беа направени по итна постапка откако голем број ученици се пожалија на стомачни тегоби, а дел од родителите се сомневаа во квалитетот на водата бидејќи некои од заболените деца воопшто не јаделе во училишната кујна. Секторот за санитарна контрола зел четири примероци од две локации – училница и кујна, за физичко-хемиска и микробиолошка анализа. „Од добиените резултати сите примероци физичко-хемиски и микробиолошки ОДГОВАРААТ на Правилникот за барање за…

Чекорот на Европскиот суд за човекови права (ЕСЧП) е логичен след на настаните преку кој ќе се констатира повреда на правото на правично судење, смета поранешната министерка за внатрешни работи Гордана Јанкулоска. Во интервју за МИА, таа истакна дека уште од самиот почеток на случајот „Тенк“ било очигледно дека не постои кривично дело, но постапка се водела под притисок на „силна пропагандна машинерија“. Јанкулоска упати остри критики кон македонското правосудство, обвинувајќи го судот за пристрасност. „Судот наместо независен арбитер беше партнер и консултант на обвинителството и дејствувајќи заеднички тие беа цврсто одлучени по секоја цена во експресен рок да бидат…

Турска државјанка е лишена од слобода и приведена во полициска станица откако вчера предизвика инцидент и нападна службено лице по судењето во Штип. Според информациите што ги пренесе ТВ Стар, жената ја нападнала полициската службеничка влечејќи ја за коса и навредувајќи ја. Инцидентот се случил по рочиштето за петмината турски државјани инволвирани во убиство. На местото на настанот реагирале и припадници на специјалната единица за да го спречат нападот. Осомничената е мајка на еден од обвинетите во овој случај. Против неа е поведена постапка за нападот врз полицискиот службеник.

Европската Унија ќе остане сигурен партнер додека Кочани продолжува да заздравува од катастрофалната загуба, порача евроамбасадорот Михалис Рокас, кој денеска го посети градот за да оддаде почит на 63-те жртви од пожарот што се случи на 16 март годинава. Делегацијата на ЕУ оствари серија дискусии зад затворени врати со здружението на родителите на жртвите „16 март 2025“ и со група преживеани лица, нудејќи им безбеден простор за споделување на искуствата со поддршка на експерти од Центарот за психосоцијална и кризна акција. На официјалните средби со градоначалникот Владко Грозданов и Советот на Општината, беше разговарано за предизвиците со кои се соочуваат…

Се зголемува бројот на хоспитализирани ученици од основното училиште „Димо Хаџи Димов“ во скопско Влае, откако синоќа на Детската клиника биле примени уште три деца. Сите новопримени пациенти имаат слична клиничка слика како и претходните случаи – дијареа, повраќање и покачена телесна температура. Директорот на Клиниката, доктор Мемеди, смета дека првичните епидемиолошки анализи укажуваат на труење. Сепак, од Институтот за јавно здравје (ИЈЗ) повикуваат на трпение додека не пристигнат официјалните резултати од мострите, кои треба да бидат готови утре. Директорката на ИЈЗ, Марија Андонова, информираше дека се земени примероци од храната (млеко, мусли, мусака со месо, кроасан), вода од повеќе…