Author: admin_press24

Легендарната емисија „Јади Бурек“ заминува во историјата. Нејзиниот автор и водител, Јанко Илковски информацијата ја објави на социјалните мрежи каде објави и дека ја продава сценографијата. Објасни дека нема интерес од ниту една телевизија да ја емитува оваа емисија а тој сам нема сили да продолжи да работи онлајн. Дополнително, рече дека има и „здравствени искушенија“ и дека во моментов таму му е фокусот.Емисијата „Јади Бурек“ смени неколку телевизии но секаде го задржа истиот формат. Интервју или комуникација со публиката во живо, што му донесе многу популарност на Јанко.

Поранешен заменик министер за земјоделство, еден директор и уште тројца раководители се меѓу осомничените во рамки на големата кација која од утрово ја спроведува полицијата во координација со ОЈО Скопје на повеќе локации во Скопјe, Тетово и Куманово. Според информациите до кои дојде Прес24, станува збор за малверзации со стоковите резерви.Лицата, со неизвршување на својата службена должност, придонеле да се изврши отпишување на 1.500.000 килограми меркантилна пченица и 500.000 килограми јачмен од државните стокови резерви, со што причиниле штета на буџетот од околу 780.000 евра. Меѓу осомничените е поранешен заменик Министер за земјоделство Т.Д, поранешен Директор на Агенција за стокови…

Голема акција спроведува полицијата во координација со скопското Јавно обвинителство. Според информациите се вршат претреси во Скопје и Куманово по сомнение за злоупотреба на положбата.Информацијата ја потврди Обвинителството без повеќе детали Во координација со Основното јавно обвинителство Скопје во тек е полициска акција со претреси во Скопје, Куманово и на други локации, поради сомненија за кривично дело злоупотреба на службена должност. Повеќе информации по завршување на акцијата – велат од ЈО

Цената на бензинот и дизелот на бензинските пумпи низ земјава се доближи на најниско ниво во последните нешто помалку од 2 години по одлуката на регулаторната комисија за енергетика. Од полноќ литар дизел ќе се точи по 73 денари а бензинот ќе биде само 2 денари поскап односно ќе се продава по максимална цена од 75 денари.Вакви ситуации имавме пред две зими кога цените речиси се изедначија.На почетокот на минатата година, разликата се спушти на само 1 денар кога бензинот се продаваше за 79.5 денари по литар а дизелот за 78.5 денари.

Претседателот на Собранието Африм Гаши ќе ја врати на доработка иницијативата на СДСМ и Левица за формирање анкетна комисија што треба да ги испита околностите за трагедијата во Кочани. Како што информираше Гаши на брифинг, во поднесениот предлог било утврдено дека мнозинството во комисијата му припаѓа на опозицискиот блок, што е спротивно на собранискиот Деловник. Според член 3 од иницијативата, предложениот состав на комисијата е:– 4 членови од СДСМ,– 4 од ДУИ,– 1 од Левица,– 3 од ВМРО-ДПМНЕ,– 2 од Вреди и– 1 од ЗНАМ. Гаши се повика на член 124 од Деловникот, според кој сите работни тела, вклучително и…

Европскиот суд за човекови права отвори сериозни прашања околу можните повреди на правото на правично судење во предметот против поранешната министерка за внатрешни работи Гордана Јанкулоска за набавката на блиндирано возило, објави таа на својот профил на Фејсбук. Јанкулоска наведува дека Судот во Стразбур препознал повеќе пропусти и сомнежи за неправилности во постапката, кои, како што тврди, се резултат на „беззаконието и бескрупулозноста на инсталациите на претходната власт во правосудството“. Додава дека, иако минале речиси пет години од поднесувањето на апликацијата, а таа во меѓувреме ја издржала затворската казна, сознанието дека ЕСЧП утврдил сериозни основи за разгледување на нејзините наводи…

ДУИ бара минималната плата да се зголеми на 600 евра за тие што имаат завршено само средно школо, а да биде 800 за оние кои завршиле факултет. „Синдикатите со право укажуваат дека владата ја држи минималната плата меѓу најниските во регионот. При тоа, во буџетот за 2026-тата година нема предвидено средства за суштинско зголемување на платите. ДУИ и пратеничката група на Европскиот фронт сметаат дека ова е структурна неправда и огромна економска грешка. Не може власта да очекува продуктивна економија со работници кои живеат на раб на сиромаштијата. Затоа бараме минималната плата да се усогласи со реалните трошоци на живот…