Author: Author 04

Во време кога вештачката интелигенција го преобликува секој аспект од деловното работење, кога сајбер заканите еволуираат со невидена брзина, а инфраструктурата се изградува одново за една сосема нова деловна реалност, една порака јасно одекна на петтото издание на Ingram Micro & Vendors Networking во Охрид: иднината нема да ѝ припадне на оние со најнапредна технологија, туку на оние со најсилни партнерства. Вчера во Охрид, регионалната технолошка конференција собра околу 200 високи одлучувачи од Македонија, Албанија и Косово, со поддршка на вендорите Check Point, Cisco, Juniper, Dell, IBM, Zebra, VMware, Veeam и Microsoft, кои изнесуваа ставови во рамки на три тематски…

СВР Струмица поднесе кривична пријава против правен субјект од Струмица и против Н.Б.(50) од Струмица поради постоење на основи на сомнение дека во четири наврати сториле кривично дело „даночно затајување“. Пријавениот правен субјект во својство на даночен обврзник и Н.Б. – во периодот на сторување на делото управител со неограничено овластување во внатрешниот и надворешниот трговски промет на правното лице, преку одбегнување на целосно или делумно плаќање на персонален данок на доход по други основи, данок на добивка и данок на додадена вредност, со неевидентирање на промет, неточно утврдување на даночната основа преку помалку искажани приходи, повеќе искажани расходи и…

Секретарот за меѓународна соработка и член на ИО на СДСМ, Андреј Жерновски, на денешната прес-конференција ја обвини власта за ширење нов бран на лаги поврзани со Преспанскиот договор и уставното име на државата. Жерновски истакна дека премиерот Христијан Мицкоски сега го тврди спротивното од она што го ветувал додека бил во опозиција. „Се случува тоа со оние коишто се нестабилни политичари коишто кога ќе дојдат на власт имаат комплетна амнезија за тоа што се случува“, изјави Жерновски, потсетувајќи на изјавите на Мицкоски дека Преспанскиот договор нема да биде завршена работа додека тој е во ВМРО-ДПМНЕ. Според Жерновски, Мицкоски ја изградил…

Портпаролката на СДСМ, Богданка Кузеска, на денешната прес-конференција упати остри критики до премиерот Христијан Мицкоски, тврдејќи дека под негово водство економијата бележи сериозен пад. Според неа, додека власта презентира успеси, податоците на Статистика покажуваат инфлација од 5,7% во споредба со лани. „Тоа е речиси двојно повисока инфлација од еврозоната, каде инфлацијата во април изнесува 3%. Најголем удар трпат граѓаните преку поскапата храна. Трошоците за храна се зголемени за 8%“, истакна Кузеска. Таа посочи дека синдикалната кошничка од 69.000 денари е недостижна за граѓаните, додека власта одбива мерки за заштита на стандардот, како што се укинување на ДДВ за храната и…

Управата за финансиска полиција поднесе кривична пријава до Основното јавно обвинителство Скопје против двајца управители на фирми и петмина вработени во Агенцијата за управување со одземен имот. Тие се сомничат за злоупотреба на постапка за јавна набавка при продажба на хаварисани возила како старо железо. Кривичната пријава ги опфаќа Н.И. и Б.Г. како управители, две правни лица, како и вработените во Агенцијата: Ф.А., Г.А., П.К., Ф.Ј. и А.Б. Според пријавата, осомничените управители во 2021 година, со однапред утврдена намера, ги повредиле прописите за јавен повик. Во постапката, едниот правен субјект бил прикажан како формален конкурент со намерна техничка грешка во…

Претседателката Гордана Сиљановска-Давкова денеска оствари средба со Генералниот секретар на Советот на Европа, Ален Берсе, кој престојува во официјална посета на земјава. Таа ја истакна улогата на Советот на Европа, како најстара европска институција, којашто повеќе од седум децении ги унапредува демократијата, човековите права и владеењето на правото, како темелни вредности. Според претседателката, Новиот демократски пакт за Европа претставува важен чекор кон обновување на довербата во институциите и зајакнување на демократската отпорност, во услови на длабоки политички, безбедносни и технолошки промени. Сиљановска-Давкова посочи дека развојот на дигиталните технологии и вештачката интелигенција отвора нови предизвици поврзани со заштитата на човековите права, приватноста…

Претседателката Гордана Сиљановска-Давкова вечерва се обрати на приемот во чест на учесниците на регионалната конференција „Предводење на промените: Патеки кон демографска отпорност согласно потребите на луѓето“, посветена на демографските промени и нивното влијание врз иднината на општествата. Таа изрази задоволство што годинава македонската држава е домаќин на конференцијата. За неа, демографијата одамна престанала да биде само статистичка дисциплина и прераснала во едно од клучните политички, економски и цивилизациски прашања, коешто директно влијае не само врз пазарот на трудот, одржливоста на пензиските и здравствените системи, туку и врз социјалната кохезија и стабилноста на државите. Сиљановска-Давкова посочи дека македонската држава, како и…

Министерот за надворешни работи и надворешна трговија, Тимчо Муцунски, денеска во Скопје се сретна со висока делегација од Европската служба за надворешно дејствување (ЕЕАС). Фокусот на разговорите беше ставен на Партнерството за безбедност и одбрана меѓу Европската Унија и Македонија, потпишано во 2024 година. На средбата беше поздравен редовниот политички дијалог, а како значаен чекор беше оценет и вториот состанок одржан минатиот месец во Брисел. Според соопштението од МНРиНТ, овие средби придонесуваат за преточување на политичките заложби во конкретни приоритети за соработка. Соговорниците разменија мислења и за Европскиот мировен инструмент (ЕПФ). Беше нагласено дека се очекува зголемување на поддршката за…

Конвенцијата, усвоена од Комитетот на министри на Советот на Европа во мај 2024 година, претставува прв обврзувачки меѓународен инструмент кој воспоставува принципи и стандарди за безбедна, етичка и одговорна употреба на вештачката интелигенција. Со нејзиното потпишување, нашата држава се приклучува кон меѓународните напори за воспоставување јасни правила и стандарди за развој и употреба на вештачката интелигенција, во согласност со принципите на човековите права, демократијата и владеењето на правото. На церемонијата,министерот за правда Игор Филков упати благодарност до генералниот секретар на Советот на Европа, Ален Берсе за неговото лидерство и посветеност, како и на Советот на Европа за континуираната поддршка. „ Што значи ова за Република Северна Македонија? Пред сè, значи…

Институтот за јавно здравје информира дека будно ја следи состојбата со појавата на хантавирус кај патници и екипаж на крузерот „MV Hondius“ во јужниот Атлантски Океан. Досега се регистрирани осум случаи, од кои три завршиле со смртен исход. Од ИЈЗ смируваат дека во земјава засега нема опасност од ширење на оваа инфекција. „Во овој момент нема регистрирани случаи, патници или блиски контакти поврзани со Република Северна Македонија, ниту постојат индикации за ризик по јавното здравје во државата“, соопштуваат од Институтот. Според СЗО и ЕЦДЦ, инфекцијата најверојатно е поврзана со престој во области каде има присуство на глодари, кои се природни…