Author: Author 03

Американскиот потпретседател Џеј Ди Венс изјави дека смета оти Русија и Украина треба да тргуваат и да се вклучат во културни размени наместо да војуваат. Во разговор за „Бреитбарт њуз“, Венс рече дека администрацијата на Доналд Трамп ја користи економската моќ за да поттикне завршување на конфликтите ширум светот. Тој наведе дека Трамп работи на повеќе мировни договори и дека, според него, заслужува Нобелова награда за мир. Венс го опиша Трамп како тврд, но ненасилен лидер, и истакна дека неговиот пристап кон рускиот и украинскиот конфликт се темели на идејата за соработка наместо насилство. Коментарите уследија по извештаите на американски…

Според најновата анкета на Рускиот фонд за истражување на јавното мислење (ФОМ), 75 проценти од руските граѓани изјавиле дека му веруваат на претседателот Владимир Путин, додека 76 проценти позитивно ја оценуваат неговата работа. На официјалната страница на ФОМ се наведува дека само 13 проценти од испитаниците изразиле недоверба кон рускиот лидер. Во однос на извршувањето на претседателските функции, 76 проценти сметаат дека Путин успешно ја извршува својата улога, додека 10 проценти имаат спротивно мислење, пренесува РИА Новости. Во однос на руската влада, 46 проценти од граѓаните се задоволни од нејзината работа, а 31 процент се изјасниле како незадоволни. Премиерот Михаил…

Тропскиот циклон Фина се приближува кон северна Австралија и би можел значително да зајакне до утре, предупредува австралиското Биро за метеорологија (BoM). Според последните податоци, Фина моментално е систем од прва категорија, но се очекува да премине во трет циклоничен степен, со ветрови меѓу 165 и 224 километри на час додека се движи кон Северната Територија. Метеоролозите предупредуваат на обилни дождови, силни пориви на ветер и можни локални поплави, особено во поширокиот регион на Дарвин. Како мерка на претпазливост, дел од училиштата во оддалечените заедници веќе се затворени, а Универзитетот „Чарлс Дарвин“ привремено ги прекина сите активности. Откажани се и…

Рускиот парламент усвои законски измени со кои значително се зголемува даночната стапка за лицата и организациите означени како „странски агенти“ – статус што властите го користат за таргетирање на опозицијата и критичарите на режимот, пренесе ДПА. Според новите правила, наместо досегашните 13 до 22 проценти, овие лица ќе плаќаат највисока стапка од 30 проценти. „Оние кои ја предадоа нашата земја, не треба да добиваат даночни олеснувања“, напиша претседателот на Државната дума, Вјачеслав Володин, на Телеграм. Терминот „странски агент“ во Русија се применува од 2012 година и служи за стигматизација на опозициски личности, активисти и независни организации. Со низа законски измени…

Белата куќа застана во одбрана на американскиот претседател Доналд Трамп, откако тој ја навреди новинарката од „Блумберг“, Кетрин Луси, нарекувајќи ја „свиња“. Портпаролката Керолајн Ливит изјави дека Трамп бил избран поради својата „отвореност и искреност“ и дека новинарите треба да ја ценат неговата подготвеност да одговара на прашања. „Тој ги открива лажните вести кога ќе ги види и се фрустрира од новинарите кои шират лажни информации. Но, тој исто така обезбедува невиден пристап до медиумите и одговара на прашања речиси секојдневно“, нагласи Ливит. Инцидентот се случил во понеделникот, во претседателскиот авион, кога Луси започнала да поставува прашања поврзани со случајот…

Косово ќе организира предвремени парламентарни избори на 28 декември, по два неуспешни обиди за формирање нова влада. Одлуката денеска ја соопшти претседателката Вјоса Османи во Приштина, по што официјално го распушти Парламентот избран во февруари. Распуштањето следува откако привремениот премиер Албин Курти и претседателот на Парламентот Глаук Коњуфца – двајцата од движењето Самоопределување – не успеаја да обезбедат мнозинство за составување влада. Иако Самоопределување, партија со прозападна ориентација предводена од Курти, излезе како најголема политичка сила на изборите, сепак не беше во можност да формира функционално парламентарно мнозинство. Од тогаш, новиот состав на Парламентот беше во целосен застој и не…

Во Бугарија вчера беа приведени 35 лица поврзани со голема криминална мрежа која со години се занимавала со недозволена трговија со културни добра низ Европа. Акцијата, како што соопшти началникот на Генералниот директорат за борба против организираниот криминал (GDBOP), Бојан Раев, опфатила 131 претрес спроведен во рок од само 24 часа. „Извршивме 131 претрес. Во рок од 24 часа, приведени се 35 лица, пронајдени се илјадници културни вредности, а бројките сè уште се зголемуваат, како и повеќе од 50 парчиња античко огнено оружје“, изјави Раев на прес-конференција, пренесе Ројтерс. Операцијата, предводена од бугарските власти во координација со Европол и Евроџаст,…

Во Србија денес се очекува наоблачување со дожд, соопшти Републичкиот хидрометеоролошки завод. Утрово врнежи има во Бачка, Срем и Мачванскиот округ, како и локално на југоистокот и истокот од земјата. Попладне и навечер се предвидува пад на температурата, а во текот на ноќта дождот ќе премине во снег во планинските предели на југозападна Србија.Надлежните апелираат граѓаните да бидат подготвени за претстојните снежни врнежи и можни отежнати услови за сообраќај.

Натпреварот за Мис Универзум 2025 свечено се одржа во Тајланд, а титулата ѝ припадна на 25-годишната убавица од Мексико, Фатима Бош.Прва придружничка е Мис Тајланд, втора е Мис Венецуела, а трета е Мис Филипини. Бош стана четвртата Мис Универзум од Мексико. Таа претходно го напушти официјалниот настан на почетокот на месецот поради јавен конфликт со организаторот Навато Икараграчила, кој јавно ја критикуваше затоа што не објавила промотивна содржина и ѝ се заканувал со дисквалификација.

Конгресменката од Флорида, демократката Шила Шерфилус-Меккормик, е обвинета за кражба и перење федерални средства од ФЕМА за финансирање на својата предизборна кампања во 2021 година, објави Би-Би-Си. Шерфилус-Меккормик (46) е под истрага од Комитетот за етика во Претставничкиот дом и се соочува со можност да биде исклучена. Главната обвинителка Пам Бонди го опиша случајот како „особено себично и цинично злосторство“. Конгресменката тврди дека е невина и вети дека ќе го исчисти своето име. Доколку биде осудена, казната може да достигне до 53 години затвор. Наводната измама, според Министерството за правда, била извршена преку здравствената компанија „Тринити хелкеар сервисес“, управувана од…