Управата за хидрометеоролошки работи (УХМР) издаде метео аларм за денеска попладне, во текот на ноќта и утре претпладне, предупредувајќи на бранот нестабилно време што ќе ја зафати земјава. Според синоптичарите, во овој период се очекуваат повремени врнежи од дожд кои на повеќе места ќе бидат проследени со невреме.
Временските услови локално ќе бидат изразено нестабилни. Од УХМР најавуваат појава на пороен дожд, електрични празнења и засилен ветер.
На одредени места процесите ќе бидат со посилен интензитет. Граѓаните се повикуваат на претпазливост бидејќи се очекува „пообилен пороен дожд (над 15 l/m²) и невреме со појава на град“.