Author: Author 03

ФБИ побара интервјуа со шест демократи во Конгресот кои во јавно објавено видео ѝ порачаа на американската војска да одбие евентуални „нелегални наредби“, изјави за Ројтерс функционер од Министерството за правда. Потегот, кој првично го објави „Фокс њуз“, следи само еден ден откако Пентагон се закани дека ќе го повика сенаторот Марк Кели на активна должност – чекор што би можел да доведе до воени обвиненија за, како што ги опиша министерот за одбрана Пит Хегсет, неговите „провокативни“ активности на социјалните мрежи. Другите законодавци кои се појавија во видеото се сенаторката Елиса Слоткин, поранешна аналитичарка на ЦИА и ветеран од…

Во парискиот регион денеска е уапсено уште едно лице осомничено за учество во драматичниот грабеж што неодамна се случи во светски познатиот музеј Лувр. Според пишувањето на „Паризиен“, уапсениот е четврти осомничен во случајот и одамна им бил познат на полициските служби по различни кривични дела. Истражителите веруваат дека тој е директно поврзан со тројцата веќе притворени и обвинети за организирање и извршување на кражбата. И покрај новото апсење, истрагата продолжува, а полицијата сè уште трага по украдените скапоцености. Властите очекуваат нови информации кои би помогнале во утврдување на точната локација на предметите и целосно расветлување на случајот.

Претседателката Гордана Сиљановска-Давкова денеска се обрати на панел-дискусијата насловена „Од пријавување на насилството до спречување на фемицид – системски одговор“, организирана од мисијата на ОБСЕ во Скопје. Таа истакна дека и покрај бројните конвенции, закони, стратегии и проекти, рапидно расте родово-базираното насилство и бројот на убиените жени само затоа што биле жени. За неа, фемицидот е последица на насилство коешто се случувало во континуитет, а не било превенирано или санкционирано. Според неа, борбата против фемицидот мора да започне дома, во градинка и во основното образование, да продолжи со правни акти и институционални механизми, вклучувајќи ги и јавно-обвинителските и судските. Сиљановска-Давлова посочи…

Министерот за здравство, Азир Алиу, денеска, се обрати на 11. турски медицински конгрес, кој се одржува во Анкара на покана на Министерството за здравство на Република Турција. Во своето обраќање истакна дека нашата земја се соочува со истите предизвици, како и другите здравствени системи, а тоа е ограничен број специјалисти во клучни области, застарена инфраструктура, дигитални системи што функционираат, но не секогаш меѓусебно поврзано, здравствен кадар под огромен товар, а пред се, граѓани кои заслужуваат побрз пристап до здравствена заштита. -Дигитализацијата е почетната точка на реформата. Дигитализацијата не е избор, тоа е вратата низ која секој здравствен систем мора да…

Под влијание на циклонска активност, од утре до сабота во земјава ќе преовладува претежно облачно време со повремени врнежи од дожд. Од Управата за хидрометеоролошки работи најавуваат дека пообилни врнежи се очекуваат утре и во четврток, кога на одделни места количината на дожд може да надмине 25 литри на квадратен метар во период од 24 часа. Со спуштањето на постудена воздушна маса од север, во четврток врнежите на планинските предели ќе преминуваат во снег, а дневните температури ќе опаднат за 4 до 6 степени во однос на утрешните вредности. Стабилизирање на времето се очекува од недела.

Украинска делегација постигна договор со САД за условите на потенцијален мировен договор со Русија, пренесе БТА повикувајќи се на американските телевизиски мрежи ABC, CBS и CNN кои цитирале претставници на американската влада. Министерот за одбрана на САД, Ден Дрискол, вчера одржа тајни разговори со руска делегација во Абу Даби, ОАЕ, како продолжение на разговорите со Украина во Женева за време на викендот, кои имаа за цел унапредување на мировниот процес во Украина, информира извор што го цитира ABC. – Украинците се согласија со мировниот договор, рекол тој и додал:. „Постојат некои мали детали што треба да се разработат, но тие…

Условите на Европската Унија за постигнување мир во Украина се апсурдни, изјави портпаролката на руското Министерство за надворешни работи, Марија Захарова. „По состанокот со лидерите на ЕУ, Урсула фон дер Лајен ги изложи условите на Европската Унија за постигнување мир во Украина“, напиша Захарова на својот Телеграм канал.Европската Унија, меѓу другото, верува дека границите не можат да се менуваат со сила. „Урсула не можеше а да не чуе за Косово. Западот беше тој што прогласи и насилно спроведе еднострано прекројување на границите на Србија, спротивно на волјата на српскиот народ“, напиша Захарова на својот Телеграм канал. Захарова ги нарече изјавите…

Нов научен труд од Универзитетот на Токио посочува дека седата коса може да послужи како вграден одбранбен механизам на телото против меланом – најсмртоносниот облик на рак на кожата, објавува „Далас експрес“ (Dallas Express). Истражувачите, имено, откриле дека матичните клетки одговорни за пигментацијата на косата имаат критична улога по оштетувањето на ДНК – можат или да созреат во клетки што произведуваат пигмент, коешто на крајот го намалува нивниот број и доведува до сиви влакна, или да останат на место и потенцијално да станат канцерогени. Трудот, предводен од јапонската професорка Еми Нишимура и вонредниот професор Јасуаки Мори, покажува дека исходот зависи…

Претседателството на Демократскиот сојуз на Косово (ДСК) денеска објави дека лидерот на партијата, Лумир Абдиџику, ќе биде кандидат за премиер на Косово на парламентарните избори закажани за 28 декември. Абдиџику на прес-конференција изјави дека ДСК ќе има самостоен настап на предвремените парламентарни избори. -Во врска со кандидатот за премиер, иако јас ја отворив темата, дискусијата беше кратка. Претседателството на ДСК сметаше дека, сè додека сум претседател на партијата, ќе ме номинираат за кандидат за премиер. Во овој момент, ги добив овластувањата што ми припаѓаат и како претседател ги потврдив, да ја составам листата, рече тој. Тој изјави дека се откажал…

Русија мора да се врати на „преговорната маса“ за мировниот план во Украина да има шанса за успех, изјави во понеделник германскиот канцелар Фридрих Мерц, оценувајќи дека дипломатскиот пробив оваа недела е малку веројатен. „Русија мора да биде присутна на (преговорната) маса. Доколку тоа се случи, секој напор би бил оправдан, во спротивно, напорите ќе мора да се удвојат“, рече Мерц на маргините на самитот на ЕУ и Африканската унија во Луанда, Ангола. Берлин го поздрави напредокот постигнат од Американците, Украинците и Европејците во разговорите во Женева. Основата за преговорите беше план од 28 точки предложен од Вашингтон, кој беше…