Author: Author 01

15-годишно девојче било физички нападнато од три други малолетнички во скопската општина Аеродром. Случајот во полиција синоќа го пријавила нејзината 57-годишна мајка. Според пријавата, напаѓачките ѝ биле познати на нејзината ќерка, а една од нив при нападот употребила и тврд предмет. За настанот е известен и јавен обвинител. „На 31.10.2025 во 21:00 часот во СВР Скопје, М.С.(57) од Скопје пријави дека околу 15:00 часот на подрачјето на општина Аеродром во Скопје, нејзината 15-годишна ќерка била физички нападната од три малолетнички кои ги познавала, од кои едната употребила тврд предмет. За настанот е известен јавен обвинител и се преземаат мерки за…

Мајка од Скопје синоќа пријавила во полиција дека нејзините две малолетни деца биле физички нападнати. Според пријавата, 15-годишниот син и 14-годишната ќерка биле нападнати од машко лице на подрачјето на Центар. Нападот се случил околу 18:30 часот, а бил пријавен два часа подоцна. „На 31.10.2025 во 20:20 часот во СВР Скопје, И.С.(36) од Скопје пријави дека околу 18:30 часот на подрачјето на Центар, нејзиниот 15-годишен син и нејзината 14-годишна ќерка биле физички нападнати од едно машко лице. Се преземаат мерки за расчистување на случајот.“

40-годишен скопјанец ноќеска, десет минути по полноќ, е приведен од полицијата. Тој претходно го нарушил јавниот ред и мир на подрачјето на Кисела Вода, откако физички се пресметал со 39-годишник од Вевчани. Полициските службеници кои интервенирале му направиле алкотест, при што дрегерот покажал високо присуство на алкохол. „На 01.11.2025 во 00:10 часот во Скопје, полициски службеници од СВР Скопје го приведоа В.Т.(40) од Скопје. Претходно, тој на подрачјето на Кисела Вода во Скопје го нарушил јавниот ред и мир со физичка пресметка со Г.К.(39) од Вевчани, а при преземање мерки полициски службеници извршиле алкотестирање со дрегер и констатирани е дека…

Жител на тетовско село (66) пријавил дека бил измамен за 250 евра од лице кое лажно му ветило дека ќе му “заврши работа” за добивање социјална помош, односно „туѓа нега“. Според пријавата, измамникот тврдел дека неговата сопруга е член на комисија во Центарот за социјални работи. Случајот се случил уште во јуни, а бил пријавен вчера во СВР Тетово. „На 31.10.2025 во 11:20 часот во СВР Тетово, 66-годишник од тетовско село пријавил дека во јуни 2025 година бил измамен од С.Н., за сума од 250 евра. Според пријавеното, лицето му кажало дека неговата сопруга работи во Центар за социјални работи…

Жена од битолско е повредена во главата, најверојатно од воздушна пушка. Инцидентот се случил на нива помеѓу селата Долно Српци и Вашарејца, а полицијата засега нема осомничен. Според полицискиот извештај, таа слушнала звук по што почувствувала дека е повредена. Случајот вчера попладне е пријавен во СВР Битола од страна на Клиничката болница. „На 30.10.2025 во 15:30 часот во СВР Бitoла, од Клиничка болница Битола е пријавено дека кај нив со повреда најверојатно од воздушна пушка е примена Д.М.(54) од село Долно Српци, битолско. Увидна екипа на СВР Битола изврши увид и констатирнао е дека, додека повредената била на нива помеѓу…

Поради закани со пиштол кој подоцна се покажал како пластична играчка, 48-годишен гостиварчанец заработи кривична пријава. Инцидентот се случил на 17 септември. „Надворешната канцеларија за криминалистички работи Гостивар, поднесе кривична пријава против С.А.(48) од Гостивар поради постоење основи на сомнение за сторено кривично дело „загрозување со опасно орудие при тепачка или караница“. На 17.09.2025, пријавениот упатувал закани кон Т.Р.(63) со пиштол, за кој подоцна е утврдено дека е пластичен.“

Мајка од Ресен е пријавена за семејно насилство, откако физички ја нападнала својата малолетна ќерка. Инцидентот се случил на почетокот на октомври во ресенското село Дрмени. Според пријавата, 49-годишната жена при нападот употребила и тврд предмет. Нападнатото девојче, освен што е малолетно, имало и здравствени проблеми. Надворешната канцеларија за криминалистички работи во Ресен поднесе кривична пријава против Д.А. (49) за две кривични дела: „насилство врз дете” и „телесна повреда“. „Надворешна канцеларија за криминалистички работи Ресен, поднесе кривична пријава против Д.А.(49) од Ресен поради постоење основи на сомнение за сторено кривично дело „насилство врз дете” и „телесна повреда“. На 03.10.2025 пријавената,…

Две ловни пушки, 59 куршуми и ловна опрема пронајде полицијата при контрола на патничко возило „мицубиши“ со австриски национални ознаки. Возилото било сопрено на местото викано „Корија“ во атарот на селото Рлевци, општина Чашка. Иако двајцата велешани во возилото, 46-годишниот Е.Б. и 29-годишниот С.С., поседувале дозволи за носење на оружјето, тие немале дневна дозвола за лов. Поради постоење основи на сомнение за сторено кривично дело „незаконит лов“, Секторот за внатрешни работи Велес поднесе кривична пријава против двајцата. „СВР Велес поднесе кривична пријава против Е.Б. (46) и С.С. (29), двајцата од Велес поради постоење основи на сомнение за сторено кривично дело…

Матичари и советници во МВР овозможиле жена да добие двоен идентитет преку лажен упис за брак и издавање нов пасош. СВР Куманово поднесе кривична пријава против четири лица за „несовесно работење во службата“, откако било откриено дека во институциите во Лојане и Куманово бил создаден целосно нов идентитет за едно женско лице. Полицијата ги товари В.Б.(56), Н.З.(41), Х.Е.(53) и В.П.(67). „Првопријавената, матичар во Управа за водење на матични книги во Лојане, општина Липково, постапила несовесно во вршење на своите овластувања и должности на начин што во матична книга на родени во с.Лојане извршила дополнителен упис дека едно женско лице склучила…

Наставничка начекала отворен приватен профил на социјална мрежа на службен лап топ. Од профилот, кој припаѓал на нејзина колешка, направила фотографии од приватни разговори кои потоа ги доставила до директорката на училиштето, и други колеги. Според пријавата во кавадаречката полиција, откако укажала на наставнички совет дека некој шири слики од нејзини приватни разговори, наставничката добила закана од директорката дека доколку случајот го пријави, пораките ќе бидат испратени до други колеги. 47-годишната ставничка В.Т. и 52-годишната директорка на училиштето М.Т. заработија кривична пријава за „оштетување и неовластено навлегување во компјутерски систем“ по член 2251 и „злоупотреба на лични податоци“ по член…