Author: Author 01

Непрописно свртување на автомобилот на пратеникот, но и низа пропусти кај возачот на моторот – ова се наодите на Обвинителството за несреќата во која учествуваше пратеникот Сашко Јанчев од Левица, а во која загина малолетник во Марино. Истрагата покажала дека Јанчев, додека го управувал својот „Хјундаи тусон“ по полноќ на 14 септември, свртел непрописно и го попречил патот на другите учесници. Сепак, обвинителниот акт открива и детали за другата страна: во автомобилот на пратеникот удрил мотор „Јијинг“ кој бил без регистарски ознаки и без вградени светла. Моторот го управувал 16-годишниот Матеј Димовски без возачка дозвола, а ниту тој, ниту 13-годишното девојче…

Скопје и ова утро се разбуди во густа магла и смог, рангирајќи се на високото 20-то место во светот според загаденоста на воздухот, покажуваат податоците на светскиот сервис IQAir. Во европски рамки, состојбата е уште полоша – македонската престолнина е на второто место по загаденост на стариот континент. Она што е нестандардно за денешните мерења е фактот што „црните рекорди“ не ги држат вообичаените мерни станици, туку најзагаден воздух дишат жителите на населбата Илинден. Високите концентрации на ПМ честички доаѓаат само еден ден откако Министерството за животна средина објави дека е надминат прагот на алармирање и активираше итни мерки и…

Седумдесет и шестгодишен гостиварец го загуби животот во тешка сообраќајна несреќа што се случи денеска напладне во центарот на Гостивар. Несреќата се случила околу 12:35 часот на крстосницата меѓу улиците „Илинденска” и „Седек Костовски”. Товарно возило „мерцедес“, управувано од 44-годишниот Х.М., удрило во велосипедот што го возел возрасниот И.М. (76). Според портпаролот на СВР Тетово, Фатмир Реџепи, повредениот велосипедист итно бил пренесен во Медицинскиот центар во Гостивар, но за жал, лекарите можеле само да констатираат смрт.

Триесетгодишен жител на тетовското село Орашје заработи кривична пријава откако полицијата во неговиот дом открила нелегален арсенал на оружје и дрога. При претресот извршен на 11 декември, полициските службеници во помошните простории на Ф.Р. (30) пронашле автоматска пушка, две рамки и вкупно 100 куршуми (22 со калибар 7.62 мм и уште 78 други). Покрај оружјето, пронајдена е и марихуана, како и дигитална вага и дробилка, што укажува на тоа дека осомничениот најверојатно се занимавал со препродажба на наркотици.

Завршните зборови за случајот против поранешниот директор на затворот „Шутка“, Филип Андов – Сокол, ќе почекаат до 26 декември. Денешното рочиште во Основниот кривичен суд – Скопје беше одложено на барање на јавната обвинителка. Иако со доставувањето на листите на докази заврши доказната постапка, обвинителката побара дополнително време за подготовка на завршниот збор, повикувајќи се и на итни обврски во Обвинителството за гонење организиран криминал и корупција (ОЈО ГОКК). „Барам одлагање заради припрема на завршен збор, воедно имам итна работа во рамките на моето постапување во ОЈО ГОКК кое не трпи одлагање“, образложи таа пред судот.

Вработен во хотел на подрачјето на Бит Пазар во Скопје бил физички нападнат од гостин во објектот, информираше Министерството за внатрешни работи. Инцидентот се случил во раните утрински часови, околу 03:00 часот, додека 45-годишниот И.В. од село Идризово бил на своето работно место. Според пријавата во СВР Скопје, него го нападнал 40-годишниот Е.Ј.Ч., државјанин на Република Турција. Случајот е пријавен во полиција вчера попладне во 15:30 часот.

а првпат и самиот обвинител го признава тоа што целата јавност го кажуваше – дека Јавното обвинителство не може да продолжи да функционира со изгубен легитимитет, под товар на политички влијанија и со селективна правда. Ова го истакна денеска на прес-конференција, пратеникот од ВМРО-ДПМНЕ, Бране Петрушевски, во врска со оставката на државниот јавен обвинител Љупчо Коцевски. -Фактот што оваа оставка доаѓа дури сега, а не уште од првиот ден кога беше очигледно дека институцијата е компромитирана, само дополнително ја потврдува длабочината на проблемот и обидите со месеци да се одржи статус кво кое служеше на поранешната власт. Со оваа оставка…

Сопственикот на „Дурмо турс“, Дурмиш Белули, повторно побара одложување на издржувањето на затворската казна за трагедијата кај Ласкарци, овој пат повикувајќи се на хируршка интервенција. Според медицинската документација доставена до судот, на Белули му било препорачано мирување од 20 до 30 дена по операцијата, што го спречува веднаш да се јави во КПУ „Идризово“. Ова не е првпат Белули да користи правни механизми за одложување, што предизвикува реакции во јавноста која со години чека правна завршница на еден од најтешките судски предмети во земјава. Причината овојпат е постоперативно мирување. Судот сега треба да ја разгледа документацијата и да процени дали…

Голема еколошка акција за разубавување и раззеленување се одржа денеска на територијата на Општина Кисела Вода, при што беа засадени околу 500 садници од зимзелени и други видови дрвја. Акциите се одвиваа симултано на повеќе локации, вклучувајќи го паркот „Иднина“, дворовите на сите основни училишта, како и површини во 13 урбани и месни заедници. Во садењето директно учествуваа градоначалничката Бети Стаменкоска Трајкоска, генералниот извршен директор на „ТИТАН Усје“, Костас Николау, како и голем број вработени од општинската администрација, компанијата и граѓани кои се приклучија на иницијативата. Градоначалничката Бети Стаменкоска Трајкоска истакна дека оваа акција е дел од долгорочната стратегија за…

Русија категорично го отфрли предлогот на Киев за божиќно примирје, оценувајќи го како обид на украинската страна да добие време за прегрупирање и продолжување на воените дејствија. Портпаролот на Кремљ, Дмитриј Песков, изјави дека Москва не е заинтересирана за привремени решенија кои само би ја одложиле неизбежната завршница. „Ние сакаме мир. Не сакаме примирје за да ѝ дадеме пауза на Украина и да ја подготвиме за продолжување на војната“, беше дециден Песков. Тој нагласи дека Русија ќе седне на преговарачка маса само доколку постои искрена волја за постигнување траен договор, а не за краткорочни и неодржливи паузи во конфликтот.