Author: Author 01

Опозициската СДСМ денеска остро реагираше на најновото истражување на Институтот за политички истражувања (ИПИС), нарекувајќи го „чист пропаганден потег“ на власта, а не реален одраз на јавното мислење. Реакцијата доаѓа откако ИПИС објави податоци според кои владејачката ВМРО-ДПМНЕ ужива поддршка од 26 отсто од гласачите, додека СДСМ е на 9,8 отсто, а премиерот Мицкоски има убедливо најголема доверба. Според социјалдемократите, овие бројки се пласираат за да се покрие „драматичниот пад на довербата во Владата“ и да се подготви теренот за предвремени парламентарни избори на пролет. Од СДСМ тврдат дека на ВМРО-ДПМНЕ им се брза да одат на избори во март…

Заедничка акција на полицијата, Пазарниот инспекторат, УЈП и Трудовиот инспекторат откри сериозни прекршувања во угостителски објект во Тетово. При контролата спроведена синоќа на улицата „Јован Ончески“, во локалот биле затекнати шест малолетни лица кои биле послужени со алкохол. За овој случај одговорност ќе сносат двајцата млади управители, И.С. (23) и М.Ј. (22) од Брвеница. Полицијата најави кривична пријава за „точење алкохол на малолетници“, дело казниво според Кривичниот законик. Децата биле предадени на нивните родители, а инспекциските служби констатирале и други неправилности во работењето.

Тежок инцидент се случи вчера во Тетово, кога 28-годишниот Е.А. од село Порој со своето возило „ауди“ удрил во полициски службеник кој се обидел да го запре. Настанот се случил околу 12:50 часот на кружниот тек кај улиците „Илинденска“ и „Маршал Тито“. Возачот одбил да застане на знакот „стоп“, го удрил полицаецот и избегал, но набрзо бил пронајден и уапсен. На повредениот службеник му е укажана помош во Клиничката болница Тетово. Истиот ден, напад врз полицијата имало и во Гостивар. Кај „Стакларска крстосница“, 53-годишниот Б.Ј. агресивно се однесувал и ги попречувал полицајците додека вршеле службени дејствија, по што веднаш бил…

Во засилени полициски активности на подрачјето на СВР Тетово и ОВР Гостивар, во текот на вчерашниот ден и ноќеска се приведени повеќе лица кај кои била пронајдена дрога. Синоќа, половина час пред полноќ, гостиварската полиција на улицата „Илинденска“ запрела возило „сузуки витара“, управувано од 37-годишниот Г.М. При претресот, кај него и кај двајцата сопатници Ф.Џ. (35) и Ф.А. (31), сите од Гостивар, бил пронајден и одземен кокаин. Кокаин бил пронајден и претходно истиот ден, околу 18:00 часот, кај 35-годишниот Ф.И. од село Вруток, кој бил лишен од слобода на улицата „Мајор Чеде Филиповски“ во Гостивар. Серијата апсења продолжила и ноќеска…

Трошоците за живот во Македонија продолжуваат да растат, потврдија најновите пресметки на Сојузот на синдикати на Македонија (ССМ). Вредноста на синдикалната минимална кошница за декември годинава достигна 65.492 денари, што претставува зголемување од 319 денари во споредба со ноември, кога истата изнесуваше 65.173 денари. Доколку семејството нема сопствен дом и плаќа кирија за стан од 60 метри квадратни, тогаш сумата потребна за да се преживее месецот се искачува на високи 80.867 денари. Анализата на структурата на трошоците покажува дека најголем дел од домашниот буџет сè уште оди за исхрана. Според ССМ, само за храна и пијалаци во декември се потребни…

Намалената видливост во скопската котлина денеска предизвика пореметување во авиосообраќајот на Меѓународниот аеродром Скопје, каде што дел од летовите се реализираат со задоцнување, а еден е целосно откажан. Според најновите податоци од аеродромот, временските услови влијаат и на слетувањата и на полетувањата. Во делот на пристигнувањата, најголемо доцнење има летот на „Пегасус“ од Истанбул (Сабиха Гокчен), кој наместо во 09:55, се очекува да слета со час и половина задоцнување, односно во 11:25 часот. Со половина час доцнење се очекува и летот на „Виз Ер“ од Дортмунд. Уште полоша е ситуацијата со летот на компанијата „АЏет“ (AJet), исто така од Истанбул, кој според…

Од ВМРО-ДПМНЕ денеска обвинија дека преку сомнителни трансакции и неуредна документација од Државна лотарија биле извлечени близу 3 милиони евра, повикувајќи се на наодите од најновиот извештај на Државниот завод за ревизија. Според партијата, ревизорите откриле „брутални докази“ за начинот на кој претходното раководство, посочувајќи ги Бајрами и Груби, управувало со институцијата. Во соопштението се наведува дека ревизијата утврдила исплати на аванси за наводни „мали добивки“ на деловни соработници во висина од 14 милиони денари, при што за дури 13 милиони денари документацијата била или неуредна или целосно невалидна. Дополнително, од ВМРО-ДПМНЕ истакнуваат дека ДЗР нотирала спорна документација и за…

Владејачката ВМРО-ДПМНЕ преку Резолуцијата за мигрантите удира директно врз демократијата и слободата на говорот, исто како што тоа се правело со декретите во Третиот рајх, оценија денеска од СДСМ. Опозицијата смета дека власта се нашла во небрано со темата „мигранти за пари“ и сега се обидува преку институционален притисок да ја затвори таа тема. Според СДСМ, Резолуцијата изгласана на 17 ноември, иако навидум се занимава со илегалната миграција, во суштина е насочена кон осуда на СДСМ за наводно ширење паника. Тие потсетуваат дека оваа тактика е веќе видена во историјата, посочувајќи на 1933 година во Германија, кога под изговор за…

Доколку следната недела се одржат парламентарни избори, за владејачката ВМРО-ДПМНЕ би гласале 26 проценти од граѓаните, додека за опозициската СДСМ би се определиле 9,8 проценти. Најголема доверба меѓу политичарите ужива премиерот и претседател на ВМРО-ДПМНЕ, Христијан Мицкоски, а големо мнозинство од испитаниците ја поддржуваат примената на системот „Безбеден град“. Ова го покажуваат резултатите од истражувањето на Институтот за политички истражувања (ИПИС) насловено „Перцепција на граѓаните за рејтинг на партии и политичари“, спроведено преку телефонска анкета во периодот од 15 до 18 декември годинава на 1.114 полнолетни испитаници. На прашањето „За која партија би гласале доколку следната недела има парламентарни избори?“,…

Променливо облачно време со сончеви периоди не очекува денеска, соопшти Управата за хидрометеоролошки работи (УХМР). Во утринските часови по одделни котлини има појава на магла, а ќе дува и слаб ветер од југоисточен правец. Утринските температури се движат од -3 до 2 степени, додека дневните ќе достигнат максимум од 6 до 13 степени. Во главниот град времето е променливо облачно и тивко, со утринска магла. Живата во термометарот во Скопје утрово се спушти до -3, а во текот на денот ќе достигне до 8 степени.