Премиерот Христијан Мицкоски информираше за одржаниот работен состанок кој бил целосно посветен на државната реформска агенда. На средбата се разговарало за следните чекори што извршната власт планира да ги преземе во наредниот период со цел унапредување на сите клучни процеси во земјава.
Преку својот официјален профил, премиерот ги соопшти главните точки кои биле предмет на анализа меѓу соработниците.
„Одржавме состанок посветен на реформската агенда, на кој се дискутираше за клучните приоритети, тековните активности и следните чекори за унапредување на реформските процеси.“
Според објавата, акцентот на состанокот бил ставен на функционалноста на државниот апарат и меѓуинституционалната координација.
„Во фокусот беа подобрувањето на институционалната ефикасност, спроведувањето на стратешките мерки и зајакнувањето на соработката меѓу сите вклучени страни. Ја потврдивме заложбата за продолжување на реформите во насока на одржлив развој и европски стандарди.“