Author: Author 03

„На 15.11.2025 околу 06:30 часот во СВР Скопје е пријавено дека на булеварот „Гоце Делчев“ во Скопје настанал пожар во автобус на ЈСП во движење, кој бил без патници“, информира МВР. Од екипа на Бригадата за противпожарна заштита Скопје пожарот е изгаснат, а повредени лица нема.

На 14.11.2025 во 14 часот, во ОВР Струга е пријавено дека на локален пат во струшкото село Радожда, две лица физички го нападнале Р.С.(20) од селото Франгово. Се преземаат мерки за пронаоѓање на сторителите и за целосно документирање на настанот

На 15.11.2025 во 03:45 часот во село Подгорци, струшко, полициски службеници од Полициското одделение за безбедност на патниот сообраќај  Струга го лишија од слобода Т.С.(39) од селото Оровник, општина Дебрца. При контрола на патниот сообраќај, полициските службеници сопреле патничко возило „фолксваген поло“ со охридски регистарски ознаки, кое го управувал Т.С., и притоа констатирале дека е под дејство на алкохол, односно измерени му се 1,71 промили алкохол во крвта. Тој е исклучен од сообраќај и по целосно документирање на настанот, против него ќе биде поднесена кривична пријава по член 297-а од Кривичниот законик „безобзирно управување со моторно возило“.

Денеска (15.11.2025) во 06:00 часот во ОВР Гевгелија е пријавено дека на регионалниот пат од место викано „Чавдарова чешма“ кон обиколница Богданци, патничко возило „ауди“ со гевгелиски регистарски ознаки, управувано од Д.Т.(26) од с.Црничани, дојранско, удрило во канделабра и во сообраќаен знак, откако претходно избегнал и не удрил во домашно животно. Во несреќата со тешки телесни повредо се здобил возачот, констатирани во Општа болница Гевгелија. Извршен е увид од увидна екипа од ОВР Гевгелија.

Сопруга на Андреј од ДНК, Наталија Ѓорѓиеска денеска на протестот „Марш за Ангелите“ порача дека тие не бараат сожалување, ниту пак сочувство, туку како што вели, тие бараат правда, вистина, фер постапка и гаранција дека ниту едно семејство нема да се разбуди во ноќта која тие ја преживеале. „Бараме да покренете иницијатива за одржување надзорна расправа пред надлежната собраниска комисија, како и да формирате посебна анкетна комисија за целосно и независно испитување на трагедијата бидејќи трагедијата не е бројка, туку живот. Трагедијата претставува сериозна навреда на најосновните човекови права – право на живот, безбедност и право на навремено и ефективно постапување…

Наталија Ѓорѓиеска, сопругата на пејачот Андреј Ѓорѓиески од ДНК, кој загина во пожарот во т.н. кабаре „Пулс“, денеска во обраќање пред Собранието ги повика пратениците да помогнат во потрагата по вистината за трагедијата. Таа во име на семејствата на загинатите побара пратениците да иницираат надзорна расправа и посебна анкетна комисија за, како што рече, целосно и независно испитување на случајот. „Бараме да се утврди зошто институциите задоцнија. Никој не треба да живее во мислата дека некој можел да биде спасен, а не бил. Никое семејство не треба да носи болка која е последица на ваков пропуст, негрижа или недејствување. Бараме…

Македонија има квалитетен систем на формално стручно образование кој во соработка со бизнис секторот продуцира кадар што му е потребен на стопанството. Тој систем постојано се надградува и неодамна се формирани седум регионални центри за стручно образование и обука, а паралелно фокусирани сме и на развој и промоција на неформалното образование и обука меѓу повозрасната популација за да продолжиме да го намалуваме јазот помеѓу понудата и побарувачката на пазарот на трудот. Овие два сегменти ќе бидат во фокусот на нашите образовни политики и во периодот што следи. Ова го посочи министерката за образование и наука проф. д-р Весна Јаневска, говорејќи…

Чест на исклучоци, но добар дел од судството и обвинителството ги интересира само зголемување на платите. Зошто толку бурно не реагираат на тоа што не одговараат на задачите кои ги имаат? Или пак зошто вака не реагираат за оние пријави што им стојат во фиока и со години  не решаваат по истите? Ако  проблемот е до платите, претседателот на Владата, Мицкоски најави дека ќе има зголемување во ставката за судиите и обвинителите во буџетот, и секако дека тие независно ќе си ги раководат парите, изјави денееска на прес-конференција Валентин Манасиевски од ВМРО=ДПМНЕ. Но да напоменеме, мора да има одговорност за секој потрошен денар. Исто така, ако продолжат по истиот овој терк и граѓаните чекаат 5 можеби и некогаш 10 години за решавање на некаков случај во судството, ние не…

На 14.11.2025 во 15:30 часот во СВР Охрид е пријавено дека на две различни локации во водите на Охридското езеро кај охридското село Пештани пронајдени се четири неексплодирани експлозивни направи. Извршено е обезбедување на местата, а известен е и пиротехничар од Дирекцијата за заштита и спасување за безбедно подигнување на гранатите.

На 14.11.2025 во 14:00 часот во СВР Охрид е пријавено дека настанал пожар во кругот на поранешен стопански објект во Охрид на улица „7 Ноември“ во Охрид. Од преземените мерки констатирано е дека Б.С.(55) од Радовиш и Д.Т.(70) од Охрид, по чистење на поранешните деловни простории, надвор изнеле хартија, дрвени и други предмети, по што ги запалиле. Интервенирала Територијалната противпожарна единица од Охрид, а по целосно документирање на настанот против двајцата ќе биде поднесена соодветна пријава.