Еден жител на Куманово е уапсен откако во неговиот автомобил биле пронајдени повеќе од 270 парчиња стар кован метал од различни историски периоди, соопшти полицијата на Северна Македонија.
Како што се наведува во соопштението, македонските полициски службеници го уапсиле 39-годишниот Ф.С. од Куманово на 25 декември навечер, на граничниот премин „Табановце“, при влез од Србија во Северна Македонија.
„При граничната контрола и проверка на возило марка ‘Фиат’, со швајцарски национални регистарски таблички, биле пронајдени и одземени 271 кованица со различна големина и форма, кои потекнуваат од различни временски периоди“, се наведува во соопштението.
Се додава дека, по целосно документирање на случајот, против Ф.С. ќе биде поднесена соодветна кривична пријава по член 266-б од Кривичниот законик – „увоз на незаконски стекната стока под привремена заштита, културно наследство и природни реткости“.