Полициски службеници од мобилниот тим „Task Force“ вчера околу 17:00 часот во гостиварското село Врапчиште ги лишиле од слобода К.С. (40) од Гостивар, Н.Б. (22) од село Врбјани и С.М. (39) од Гостивар.
Приведените биле сопрени при контрола на такси возило со гостиварски регистарски ознаки, со кое управувал 39-годишниот С.М., а во кое како патници се превезувале К.С. и Н.Б.
Од Министерството за внатрешни работи информираат дека при претресот кај К.С. била пронајдена и одземена марихуана, додека кај возачот С.М. бил пронајден предмет со остатоци од кокаин.
Сите три лица биле приведени и задржани во полициска станица. Од МВР посочуваат дека по целосно документирање на случајот против нив ќе следува соодветен поднесок.