Author: Author 03

Италија ќе продолжи да обезбедува воена помош за Украина и во 2026 година, откако десничарската влада на премиерката Џорџа Мелони усвои декрет кој овозможува продолжување на испораките на оружје и воена опрема за Киев, објави ДПА. Италија се смета за еден од најдоверливите партнери на Украина во рамките на НАТО. Првично, одлуката за продолжување на воената помош беше планирана за почетокот на декември, но беше одложена поради приговорите на еден од коалициските партнери. Десничарската популистичка партија Лига, предводена од вицепремиерот Матео Салвини, побара измени за да се стави поголем акцент на цивилната помош и експлицитно да се нагласат испораките на…

Украинскиот претседател Володимир Зеленски денес изјави дека на состанокот со американскиот претседател Доналд Трамп побарал САД да разгледаат можност за обезбедување безбедносни гаранции за Киев за период од 30 до 50 години. „Според важечките договори, Украина ќе добие безбедносни гаранции од САД за период од 15 години. Но ние се надеваме на подолг рок“, рече Зеленски, додавајќи дека следната рунда разговори со САД се очекува да се одржи во Киев во јануари. Тој истакна дека шефот на украинскиот Национален совет за одбрана и безбедност, Рустем Умеров, веќе го координира процесот со партнерите. „По состанокот, планирани се преговори меѓу европските лидери…

Советот на министри на Босна и Херцеговина денеска ја усвои одлуката за легализација на канабисот во медицински цели, објави на Фејсбук пратеникот од Социјалдемократската партија (СДП) во Парламентот на БиХ, Саша Магазиновиќ. – Направен е најважниот чекор, но не е завршена работата. Сега следи борба за деталите, бидејќи ѓаволот е стално во нив. Сепак, од денеска ќе биде многу полесно, посочи Магазиновиќ. Тој му се заблагодари на студентот на Академијата за драмски уметности во Сараево, Ирафан Рибиќ, кој тврди дека со масло од канабис се излекувал од мултипла склероза. Магазиновиќ се заблагодари и на министерката за цивилни работи на БиХ,…

Непријатен момент го одбележа пријателскиот хокеј натпревар во Белорусија, кога претседателот Александар Лукашенко доживеа пад на мразот по случаен судир со соиграч. Инцидентот накратко го прекина мечот, кој на крајот заврши нерешено 5-5. До падот дојде кога играчот со број 68, Јарослав Чуприс, ненамерно го удри Лукашенко во грбот. Претседателот, кој настапуваше со дрес со број 01, ја загуби рамнотежата и падна на лизгалиштето, при што со главата удри во мразот. Натпреварот беше привремено запрен, а Чуприс веднаш се врати за да му помогне, додека неколку соиграчи му притрчаа на помош. По инцидентот, Лукашенко изјави дека се чувствува добро и…

Словенската и балканската етимолошка лексикографија се надополни со важна пубикација „Македонски етимолошки речник“ од авторот проф. д-р Гоце Цветановски. Има 650 страници и се обработени 9 букви од А – Ж. Во него, освен основниот лексички фонд од стандардниот македонски јазик се опфатени и дијалектните и разговорните зборови. Издавач е Институтот за македонски јазик.

Обилните дождови што ја погодија Андалузија предизвикаа сериозна хуманитарна и инфраструктурна криза во јужна Шпанија, при што животот го загубија три лица, а стотици интервенции беа извршени од итните служби, соопштија регионалните власти. Најтешко погодена е провинцијата Малага, каде се регистрирани најголемиот број инциденти. Две лица, на возраст од 53 и 54 години, беа пронајдени починати во Алхаурин Ел Гранде, откако нивното комбе било однесено од надојдена река. Третата жртва, 18-годишно момче кое претходно било пријавено за исчезнато, е пронајдена во местото Илора, во провинцијата Гранада, јавува „Еуроњуз“. Само во Малага биле регистрирани 343 интервенции на итните служби, главно поради…

Британскиот боксер и поранешен светски шампион во тешка категорија, Ентони Џошуа, е повреден во тешка сообраќајна несреќа што се случила во нигериската сојузна држава Огун, во која, според официјалните информации, загинале две лица. Како што соопшти локалната полиција, 36-годишниот Џошуа поминал со полесни повреди откако возилото во кое се наоѓал се судрило со друго возило. Причините за несреќата сè уште се предмет на истрага. На социјалните мрежи се појавија фотографии и видеоснимки од местото на несреќата, на кои Џошуа може да се види како седи на задното седиште од автомобилот, без маица, додека околу него се забележуваат остатоци од скршено…

Електронските комуникации се темелот на современата дигитална држава. Со усвојувањето на Законот за електронски комуникации, Собранието направи важен исчекор во спроведувањето на Реформската агенда и во целосното усогласување со правото на Европската Унија, пишува на социјалните мрежи министерот за дигитална трансформација, Стефан Андоновски. „Овој закон значи јасни правила, поголема правна сигурност и рамка што е компатибилна со европските директиви и регулативи во областа на електронските комуникации. Практичните придобивки се директни и мерливи: подобра и побрза изградба на дигитална инфраструктура, услови за поголеми инвестиции во широкопојасни мрежи, 5G и нови технологии, поголема конкуренција на пазарот и поквалитетни услуги за граѓаните и…

Изјавата за наводен удар во Венецуела дојде без координати, без снимка и без официјален брифинг, но со доволно политичка тежина за да го подигне прагот на тензија во Карибите. Во радио-интервју за њујоршкото WABC, Доналд Трамп рече дека американските сили „нокаутирале“ „голем погон, голем објект“ од каде што „излегуваат бродовите“, тврдејќи дека ударот бил изведен „пред две ноќи“ и дека „ги погодиле многу силно“. Контекстот, според американските медиуми, е пошироката кампања што Белата куќа ја врзува со спречување на шверц на дрога и притисок врз режимот во Каракас. Но клучниот проблем остана ист: Трамп не понуди детали каде се случил…

Силно снежно невреме зафати голем дел од Турција, поради што наставата е целосно прекината во 14 провинции, соопштија локалните власти. Обилните врнежи од снег предизвикаа сериозни нарушувања во секојдневниот живот, блокирајќи локални патишта и отежнувајќи го сообраќајот. Најкритична е состојбата во источната провинција Ван, каде снежната покривка на одредени места достигна и до 50 сантиметри. Поради неповолните временски услови и безбедносни причини, надлежните одлучија училиштата да останат затворени до 5 јануари 2026 година. Снегот предизвика прекини во сообраќајот на повеќе локални и регионални патишта, а екипите за зимско одржување се постојано на терен. Властите ги повикаа граѓаните да избегнуваат непотребни…