Author: Author 04

Премиерот Христијан Мицкоски денеска соопшти дека во текот на оваа година нема да се одржат избори во државата. Според неговите најави, тековната 2026 година е предвидена за спроведување на клучни реформи и внатрешна консолидација. Мицкоски истакна дека неговата цел е почитување на редовниот изборен календар, што би значело излегување на гласање дури по две години. „Мојот став е дека оваа година избори нема. Оваа година е реформска и година на консолидација. Јас би сакал да имаме редовни избори кои ќе се случат во пролетта 2028 година“, истакна Мицкоски. Иако фокусот на Владата во моментов е ставен на реализација на ветените…

Јавното обвинителство денеска презентираше материјални докази од увидот во опожарениот објект „Пулс“ во Кочани. Меѓу пронајдените предмети се изгорен ресивер за активирање пиротехника, црн ранец со дополнителна опрема, батерии и неискористени пиротехнички средства. Пред Судот беше прикажан фотоалбум од 92 фотографии кои ја документираат затекнатата состојба, вклучувајќи ја внатрешноста на објектот, поставеноста на бината и решетките на прозорците. Обвинителството посочи дека во објектот биле пронајдени и три празни противпожарни апарати. „Над бината е нотирано дека имало метални конструкции и конзоли поставени на висина измерено растојание од бината до плафонот од 2,7 метри, што укажува на мала оддалеченост меѓу сценскиот дел…

ДУИ повторно го пушти стариот филм на клевети бидејќи вистината премногу ги боли. Народот вели: каде што те боли забот, таму оди јазикот. На ДУИ им пречи Изет Меџити затоа што тој, заедно со народот, ги испрати во историјата и го скрши нивниот 20-годишен монопол на уцени, велат од ВЛЕН.  „Нека запомнат добро: Изет Меџити не е производ на канцелариски сплетки и милувања од Али Ахмети. Тој го црпи својот легитимитет директно од гласот на Албанците, од теренот и од секое маало во Чаир, и низ државата. Додека Изет Меџити е помеѓу својов народ, работи на проекти и води национални…

Министерот за локална самоуправа, Златко Перински, денеска потпиша Меморандуми за соработка со шест високообразовни институции, со што се воспоставува нова рамка за институционална соработка меѓу Министерството и академската заедница. Кон крајот на минатата година, Министерството потпиша Меморандум за соработка со Универзитетот „Св. Кирил и Методиј“ во Скопје, со чии професори и академски кадар веќе е воспоставена соработка. Меморандумите имаат за цел да ја поврзат академската експертиза и научно-истражувачкиот потенцијал со реалните потреби на општините, преку заедничко делување во областите што се од надлежност на општините. „Потпишувањето на Меморандумите за соработка поттикнуваат заедничко делување во областите што се во фокус на Ресурсниот…

„Македонската култура е жива ризница на духот. Таа е светлина во фреските, ехо во каменот и трепет во народната песна. Во неа се запишани радоста и болката, копнежот и гордоста, истрајноста и вербата на многу генерации што создавале, чувале и оставале траен белег“, рече министерот за култура и туризам Зоран Љутков вчеравечер во своето обраќање пред концертот на Националниот џез-оркестар во Брисел во рамките на манифестацијата „Денови на македонската култура“ во Белгија. Љутков истакна дека оваа значајна културна манифестација е потврда дека културата е најмоќниот јазик за поврзување, почит и соработка меѓу народите. „Вечерва, музиката го презема зборот. Овде, во…

Швеѓанецот Олоф Францен се соочува со несекојдневен правен апсурд откако добил сообраќајна казна од 920 евра за прекршок во италијанско крајбрежно одморалиште, земја во која тој и неговиот автомобил никогаш не биле. Проблемот започнал пред две години кога шведската агенција за наплата на долгови му испратила документација која на прв поглед изгледала сосема автентично. Документите содржеле фотографии од радари за брзина, а регистарската табличка била идентична со неговата. Сепак, на сликите наместо неговиот сив Форд, се наоѓало црвено Сузуки. „Мислев дека е малку чудно бидејќи никогаш не сум бил во Италија. Многу сум бил во Шпанија, но Италија? Никогаш“, изјавил…

Генералниот секретар на СДСМ, Александар Саша Димитријевиќ, на денешната прес-конференција обвини дека премиерот Христијан Мицкоски инсистира на предвремени избори поради страв од меѓународни истраги. Според него, со политичките промени кај нашиот северен сосед, почнува распадот на регионалната „криминална мрежа“. „Со падот на неговиот пријател Виктор Орбан, почнува распадот на криминалната мрежа што со години ја градеа во регионот. Во Унгарија веќе се најавуваат истраги кои ќе стигнат до Мицкоски и неговиот ‘голем брат’ Вучиќ“, изјави Димитријевиќ. Од СДСМ тврдат дека под лупа ќе бидат сите бизнис шеми, вклучувајќи ја медиумската мрежа на Орбан, тендерите и енергетските бизниси. Димитријевиќ нагласи дека…

Времето утре ќе биде променливо облачно со повремен локален дожд, додека во југоисточните делови ќе има услови за појава на ретки грмежи. Според Управата за хидрометеоролошки работи (УХМР), ќе дува слаб до умерен ветер од јужен правец. Во Скопје се очекува слично време – променливо облачно, а претпладне во делови од котлината ќе има услови за повремен дожд и слаб јужен ветер. Температурата во главниот град ќе се движи од 10 до 24 степени. Најтопло во земјава утре ќе биде во Гевгелија со максимални 26 степени, додека во Маврово температурата ќе достигне до 16 степени. УХМР најавува дека во наредните…

Денес се навршуваат 35 години од загинувањето на Сашко Гешовски, првата жртва од Македонија во конфликтот што го доведе до распадот на Југославија. Политиката на омраза, националистичка пропаганда и вештачки создадени поделби тогаш целата земја ја втурнаа во крв и во трагедија, се вели во соопштението од СДСМ. „Само со мудрите политики на Киро Глигоров Македонија се избори за независноста по мирен пат. Теориите на Милошевиќ за „домашни предавници“, „странски платеници“ и „Србија нема да се наведувва “ од една страна, и националистичките политики од другата, доведоа до војна и пропаст. Денес, Христијан Мицкоски и ВМРО-ОКГ ја повторуваат истата опасна…

Делегација на Министерството за внатрешни работи, предводена од помошник министерот за односи со јавност Мухамед Исмаиљи, учествува на меѓународниот саем и конференција SAHA Expo 2026, што се одржува во Истанбул од 5 до 9 мај. Во рамки на посетата, делегацијата оствари работна средба со заменик директорот на турската полиција, Мустафа Чалишкан. На средбата беше потврдена силната и континуирана соработка помеѓу Министерството за внатрешни работи и турската полиција, заснована на заемна доверба и партнерство. Особен акцент беше ставен на заедничките напори во борбата против организираниот криминал, криумчарењето мигранти и справувањето со современите безбедносни предизвици. Соговорниците се согласија дека преку засилена оперативна…