Author: Author 03

Заменик министерот за надворешни работи и надворешна трговија, Зоран Димитровски, денеска учествуваше на состанокот на Партнерската Комисија на САД – Јадранската Повелба (А5), што се одржа во Мостар, БиХ. Министерскиот состанок, со кој се заокружи претседавањето на Босна и Херцеговина со САД – Јадранската Повелба, собра претставници од земјите членки – Хрватска, Црна Гора, Албанија и САД, како и земјите набљудувачи од регионот – Србија, Косово и Словенија. Состанокот беше искористен за размена на мислења во однос на актуелните безбедносни предизвици со кои се соочува регионот, како и за разгледување на можностите за понатамошно интензивирање на комуникацијата, координацијата и практичната…

Во Општина Центар се одржа втората работилница посветена на предизвиците на лицата од третото доба, организирана од Комисијата за еднакви можности на жените и мажите, во просториите на урбаната заедница „Мирче Мацан“. На работилницата на тема „Уметност на благосостојбата: Наоѓање рамнотежа и сила во секојдневието“ беше прикажан краткиот филм „Шарац“, по што пензионерите имаа можност да поставуваат прашања и да добијат експертски совети од професор д-р Софија Георгиевска од Институтот за социјална работа и социјална политика. Ваквите работилници се пример за вистинска подршка и помош за социјализација на поврозрасните жители, смета градоначалникот на Општина Центар Горан Герасимовски Според него, третото…

ЗЕЛЕН ХУМАН ГРАД денес, преку нашиот советник во Град Скопје, Марјан Калевски, поднесе Иницијатива за забрана на огномет на територија на Град Скопје. Со иницијативата се забранува употреба на експлозивни материи од физички и правни лица за прослави и забава – практика што со децении ги загрозува животната средина, како и здравјето и безбедноста и на луѓето и на животните. „Огнометите ослободуваат огромни количини PM2.5 и PM10, токсични гасови (CO, SO₂, NOx), како и тешки метали како што се бариум, бакар, стронциум и олово, кои ги загадуваат почвата, воздухот и водата. Последиците директно ги погодуваат најранливите групи: деца, бремени жени,…

На 10.12.2025 околу 00:20 часот во СВР Скопје е пријавено дека на крстосница од ул.„Владимир Полежиноски“ и ул.„Костурски Херои“ во Скопје се случила сообраќајна несреќа помеѓу патничко возило „ауди“ со тетовски регистарски ознаки, управувано од Х.Р.(25) од Тетово и велосипед управуван од Е.Ч.(19) од Турција, со привремен престој во Скопје. Во несреќата со тешки телесни повреди се здобил велосипедистот, констатирани во Комплексот клиники „Мајка Тереза“. Извршен е увид од увидна екипа од СВР Скопје.

На 10.12.2025 во 00:30 часот во Полициската станица Бит Пазар, Ѓ.А.(46) од Скопје пријави дека од семејниот дом се оддалечила нејзината ќерка М.У.(13) од Скопје. Се преземаат мерки за пронаоѓање на лицето.

По два дена расправа, Собранието денеска го донесе Буџетот за 2026 година. Поддршка дадоа 71 пратеник, 14 беа против, а воздржани немаше. Буџетот за 2026 година тежи отприлика 6,7 милијарди евра и во него растот на БДП е проектиран на 3,8 проценти, а инфлацијата на 2,5 проценти. Вкупните приходи треба да изнесуваат 374,9 милијарди денари, расходите 414,2 милијарди денари, а буџетски дефицит 39,2 милијарди денари или 3,5 проценти од планираниот БДП. За пратениците од власта овој буџет обезбедува поддршка за бизнисот, ги штити пензионерите со зголемување на пензиите и носи силен инфраструктурен бран со изградба на патишта, училишта, градинки… -…

Градоначалникот на Град Скопје, Орце Ѓорѓиевски кажа дека ќе биде организирана прослава и дочек на Новата година на плоштадот „Македонија“. На плоштадот во Скопје ќе настапуваат исклучиво македонски пејачи, а меѓу нив ќе бидат Каролина Гочева, Тамара Тодевска и други изведувачи на народна музика. Целосната програма и останатите детали ќе бидат објавени наскоро од Град Скопје.

Воен авион на суданската армија се урна при слетување, при што загинале сите лица кои се наоѓале во леталото, соопшти денеска суданската војска. Не е соопштено колку лица загинале, но меѓу патниците имало и еден новинар. Во февруари годинава, 46 лица – меѓу кои жени и деца – загинаа кога воен авион се урна во густо населен дел од Оумдурман.

Најмалку 19 лица загинаа, а 16 се повредени откако две соседни четирикатни згради се срушија во текот на ноќта во градот Фес, североисточен Мароко, соопшти државната новинска агенција MAP. Инцидентот се случил во населбата Ал-Мустаќбал, каде според првичните податоци, живееле осум семејства. Локалните власти од префектурата Фес наведоа дека уривањето се случило ненадејно и околу причините се уште се води истрага. Веднаш по пријавата, на местото пристигнале единици на локалната администрација, безбедносни служби и тимови на цивилна заштита, кои започнале итни операции за пребарување и спасување. Повредените биле префрлени во Универзитетскиот клинички центар во Фес, каде им е укажана потребната…

Кина го изврши погубувањето на Баи Тианхуи, поранешниот генерален директор на компанијата за управување со средства „Чајна Хуаронг Интернешнал Холдингс Лтд.“, откако беше осуден за примање мито во вредност од 156 милиони долари. Егзекуцијата се изврши во северниот град Тјанџин, со одобрение од Врховниот народен суд, според известувањата на државните медиуми. Со мајската пресуда од 2024 година, Баи беше осуден на смрт, му беа одземени политичките права доживотно, наредена беше конфискација на личниот имот, а сите незаконски стекнати средства беа вратени во државната каса. И покрај жалбата на Баи, Вишиот народен суд во Тјанџин ја отфрли во февруари оваа година.…