Поголем дел од територијата на Македонија во текот на денешниот ден е зафатен од изразена нестабилност, проследена со врнежи од дожд и електрични празнења со различен интензитет во зависност од регионот, соопшти УХМР.
Според моменталните метеоролошки показатели, на североистокот и истокот од Македонија, особено по граничните планински предели, веќе е активна нестабилност која со себе носи поројни дождови и грмежи.
Промена на времето е регистрирана и во другите делови на земјата. На запад и југозапад од Македонија во моментов има развој на нестабилна облачна маса.