Author: Author 01

Над 50 куќи, магацински простори, визби и земјоделско земјиште се поплавени на подрачјето на Општина Ресен, откако обилните врнежи предизвикаа излевање на Болнска и Источка река во селата Царев Двор и Дрмени. Центарот за управување со кризи (ЦУК) информира дека состојбата е сериозна и кај селото Долна Бела Црква, каде се излеала Голема Река, чиј водостој во моментов изнесува 210 сантиметри. На терен се ангажирани сите расположливи ресурси за санација на штетите. „Ангажирани се екипи на јавните претпријатија, „Македонија пат“, ЈКП „Пролетер“, како и приватни машини – вкупно 7 пумпи за испумпување вода и повеќе багери за расчистување и интервенции.…

Министерството за локална самоуправа објави јавен повик за ангажирање експерти кои ќе бидат дел од новата база на Ресурсниот центар за поддршка на развојот на општините. Рокот за аплицирање е отворен до 15 декември годинава. Целта на оваа иницијатива е да се формира регистар на висококвалификувани професионалци и практичари кои ќе им помагаат на општините преку менторства, специјализирани обуки, теренски ангажмани, како и преку изработка на анализи, прирачници и стратешки документи. Министерот Златко Перински појасни дека областите на потребна експертиза се поврзани со изворните надлежности на општините, но и пошироко, со цел подобрување на услугите кон граѓаните. „Со овој јавен…

Со продажба на имот „на црно“ непосредно пред стечај, скопјанец успеал противправно да присвои 31.433.522 денари (околу 515.303 евра), оставајќи ги државата и банките со празни раце. СВР Скопје поднесе кривична пријава против М.С. и неговата фирма за даночно затајување и оштетување на доверители. Тој во период од две години продавал машини и материјали без да ги пријави, со што не платил даноци во висина од стотици илјади евра. Најголемиот удар го претрпеле доверителите. Кога фирмата отишла во стечај, имотот веќе бил тајно распродаден, па стечајниот управник немало што да попише за да ги исплати долговите кон УЈП и банките.…

Основното јавно обвинителство Гевгелија побара притвор за државјанин на Србија, откако во тешка сообраќајна несреќа кај Валандово загинаа две лица, кинески државјани, кои биле скриени во неговиот камион. Несреќата се случи пред два дена, кога возачот на камион „мерцедес“, натоварен со 24,5 тони хартија, изгубил контрола и се превртел, при што ги притиснал 10-те мигранти кои се превезувале во полуприколката. Осомничениот се товари за „тешки дела против безбедноста на луѓето и имотот во сообраќајот“, а Обвинителството истражува и евентуално криумчарење мигранти. Поради опасност од бегство, побарана е мерка притвор. „Возејќи по регионалниот пат од Валандово кон Дојран, не се придржувал…

Собраниската Комисија за финансирање и буџет амандманската расправа по Предлог-буџетот за 2026 година ќе ја продолжи в понеделник на пладне. На денешниот четврти ден од расправата, на дневен ред беа амандманите поднесени од пратениците на „Европскиот фронт“. Нивните барања се однесуваа на изградба на водоводни и канализациски мрежи, како и реконструкција на локални и регионални патишта, но ниту еден од овие предлози не беше усвоен. Трендот на одбивање продолжува, па така и во изминатите четири дена, иако фокусот беше ставен на инфраструктурни и комунални проблеми во општините, ниту еден од предложените амандмани не доби поддршка. Конечниот Предлог-буџет за 2026 година…

Собранискиот спикер Африм Гаши отиде на гости кај Изет Меџити во општина Чаир за да му ја честите победата на локалните избори. Коалициските партнери на средбата зборувале процесите што ја очекуваат Македонија, а најавија соработка меѓу Собранието и општина Чаир. „Денеска во мојот кабинет го примив претседателот на Собранието, г. Африм Гаши, кој дојде да ми ја честита новата задача. Разговаравме за политичките случувања во земјата, процесите што нѐ очекуваат и важноста на меѓуинституционалната координација во периодот во кој влегуваме. Посетата на г. Гаши е јасен сигнал за поддршка и подготвеност за меѓусебна соработка во корист на нашите граѓани и…

Гинекологот Мухамед Асани е осуден на три години ефективна затворска казна за случајот со родилката Јилдиз Веапоска, на која по породувањето ѝ беа отстранети матката, јајникот и бубрег. Освен затворската казна, Основниот суд во Струга на Асани му изрече и забрана за вршење на професија, дејност или должност во траење од пет години. За разлика од првообвинетиот, судот донесе ослободителни пресуди за второобвинетиот Блертон Асани (син на Мухамед), кој во тоа време бил специјализант, како и за третообвинетата докторка Лилјана Јованоска. „Судот обинетиот Мухамед Асани го прогласува за виновен, и му изрекува ефективна казна затвор во траање од три години,…

ТИТАН УСЈЕ годинава го прославува својот 70-годишен јубилеј, обележувајќи седум децении од своите почетоци во 1955 година. Од своето основање, компанијата растеше паралелно со развојот на земјата, поддржувајќи изградба на домови, училишта, болници, патишта, мостови и друга суштинска инфраструктура која го обликува современото општество. Во текот на децениите, ТИТАН УСЈЕ инвестираше повеќе од 200 милиони евра во модернизација и технолошки напредок. Овие инвестиции значајно ја подобрија безбедноста, оперативната ефикасност, продуктивноста и перформансите во доменот на заштитата на животната средина. Денес, ТИТАН УСЈЕ се истакнува како современа компанија со напредни дигитални технологии и автоматизација на производството. Во 1998 година УСЈЕ стана…

Европската Унија мора веднаш да ги суспендира исплатите кон Украина поради сериозните извештаи за корупција, побара денеска унгарскиот министер за надворешни работи Петер Сијарто. Пред состанокот со колегите од ЕУ во Брисел, Сијарто упати остри критики кон плановите за нови финансиски пакети, нарекувајќи ја ситуацијата „луда“. „Во Украина постои воена мафија и корумпиран систем, а претседателот на Европската комисија, наместо да ги запре исплатите и да бара итни финансиски проверки, планира да испрати уште 100 милијарди евра во Украина. Ова е лудо“, изјави Сијарто. Реакцијата на Будимпешта доаѓа по информациите за истрага за наводен заговор од 100 милиони долари за…

Граѓаните нема да плаќаат ништо дополнително при приемот на пратките нарачани од странство, вклучително и оние од платформата „Тему“, и покрај новите измени на Законот за данок на додадена вредност (ДДВ). Министерството за финансии појасни дека усвоените измени нема да влијаат на начинот на преземање на пратките,бидејќи кај платформите како „Тему“ данокот е веќе пресметан во цената на производот. „Пратките кои граѓаните ги порачуваат од ТЕМУ и досега имаа пресметан ДДВ во цената на производот. Истата практика продолжува и по измените на законот – ДДВ ќе остане вкалкулиран во цената на производот, како и досега. Тоа значи дека граѓаните нема да плаќаат ништо дополнително при…