Земјотрес со јачина од 3.5 степени според Рихтеровата скала попладнево е почувствуван во Скопје и во околните населени места.
Според првичните податоци од Европско-медитеранскиот сеизмолошки центар (ЕМСЦ), потресот се случил точно во 17:41 часот по локално време.
Епицентарот на земјотресот бил лоциран во Скопската Котлина, поточно на 21 километар источно од Скопје и на околу 15 километри источно од Кисела Вода.
Сеизмолошките апарати регистрираа дека овој природен феномен бил на релативно мала длабочина, со хипоцентар проценет на 5 километри под површината на земјата.
Засега нема информации за евентуални материјални штети, а потресот предизвика краткотрајна вознемиреност кај граѓаните кои живеат на повисоките катови во Скопје.