Author: Author 01

Претседателот на Владата, Христијан Мицкоски, денеска ќе престојува во Општина Тетово. Поводот за посетата е свеченото пуштање во употреба на реконструираната гимназија „Кирил Пејчиновиќ“. Според владината агенда, премиерот ќе направи обиколка на обновениот објект, по што е предвидено да даде и изјава за медиумите.

Министерството за внатрешни работи информира дека денеска (сабота) во централното градско подрачје на Скопје ќе биде воведен посебен режим на сообраќај. Причината е одржувањето на протестниот марш под мотото „Стоп за Усје“, кој е закажан со почеток во 12:00 часот. Маршот ќе се движи по следнава траса: Почетокот е пред Владата на булевар „Илинден“, по што поворката ќе продолжи десно по булевар „ВМРО“, потоа по улицата „Васил Главинов“, лево по улицата „Димитрие Чуповски“,продолжувајќи по улица „11 Октомври“ до пред Собранието. Маршот завршува пред Министерството за животна средина, до каде ќе се стигне преку улицата „Филип Втори Македонски“. Единицата за безбедност на патниот сообраќај при СВР Скопје ќе преземе…

Времето денеска ќе биде променливо облачно со слаб повремен локален дожд, додека на планините и на повисоките места ќе врне слаб снег. Ќе дува слаб до умерен ветер од променлив правец, информира Управата за хидрометеоролошки работи (УХМР). Минималната температура утринава се движеше во интервал од 0 до 6 степени, а максималната дневна ќе достигне од 7 до 11 степени. Во главниот град Скопје времето е слично – променливо облачно со повремен слаб дожд.Температурите ќе се движат од минимални 5 до максимални 10 степени. Од УХМР најавуваат дека влажниот бран ќе продолжи и утре (недела), кога се очекуваат пообилни врнежи.Поради заладувањето, дождот ќе премине во снег и во…

Друштвото на писателите на Македонија (ДПМ) денеска со длабоко жалење и огромна тага ја соопшти веста за прераното заминување на Тихомир Јанчовски (1967). Јанчовски беше истакнат поет, писател, преведувач, професор, музичар и издавач, кој зад себе остави богато творештво. Како автор потпишува над триесет книги, пред сè поезија, преводи и поетски романи. Меѓу неговите дела се издвојува и историскиот труд „Историја на православното монаштво на територијата на денешна Република Македонија“ (2010). Неговата поезија ги надмина границите на државата – четири негови книги се преведени на странски јазици, а избори од неговото творештво се објавувани на англиски, француски, германски, италијански, руски…

Вистинска среќа е што нема повредени лица во инцидентот кој попладнево се случи во строгиот центар на Битола.Стара и руинирана куќа се сруши, при што предизвика значителна материјална штета на неколку возила паркирани во нејзина непосредна близина. Несреќниот случај е регистриран зад станбениот комплекс познат меѓу битолчани како „Зградата кај ЈАТ“. Овој простор често се користи како паркинг, што придонесе за штетата врз автомобилите кои се нашле на удар на градежниот шут. Екипа на СВР Битола веднаш излезе на терен и изврши увид на местото на настанот. Полициските службеници ги документираа оштетувањата и зедоа изјави од сопствениците на оштетените возила. Овој настан повторно го актуелизира…

Основното јавно обвинителство Тетово поведе истражни постапки против вкупно четири лица по извршените претреси во тетовското село Брвеница, при што биле пронајдени наркотична дрога и поголема количина оружје и муниција. Според информациите од Обвинителството, тројца од приведените се сомничат за кривично дело „Неовластено изработување, држење, посредување и тргување со оружје и експлозивни материи“. Кај еден од нив биле пронајдени пиштол со два куршуми во рамка и дополнителни 20 куршуми за автоматска пушка. Кај вториот осомничен полицијата открила 55 куршуми, од кои дури 53 биле боева муниција чие поседување е целосно забрането за граѓаните. Кај третиот осомничен бил пронајден пиштол без…

Социјалдемократскиот сојуз на Македонија (СДСМ) преку соопштение изрази гордост за постигнувањата во периодот од 2017 до 2024 година, истакнувајќи дека токму нивните реформи довеле до подобрување на состојбата со човековите права и демократијата, што резултираше со денешното укинување на комисијата за постмониторинг дијалог од страна на Парламентарното собрание на Советот на Европа (ПССЕ). Од партијата велат дека ова не е успех на „тендер коалицијата ВМРО-ЗНАМ“ и на Христијан Мицкоски, туку директна последица на сработеното во претходниот мандат. „Да не бил периодот на владата на СДСМ, а да останеле на власт Никола Груевски и Сашо Мијалков, веројатно би довеле до продолжување…

Продолжува периодот на променливо облачно време проследено со повремени врнежи од дожд, додека на планините ќе врне снег, информираат од Управата за хидрометеоролошки работи (УХМР). Најголема промена се очекува в недела, за кога метеоролозите најавуваат пообилни врнежи. Поради падот на температурите, дождот ќе премине во снег и на некои од пониските места. Што се однесува до температурите, утре (сабота) минималните ќе се движат од -2 до 6 степени, а дневните од 4 до 11 степени. Задутре (недела) ќе биде нешто постудено со максимум од 3 до 8 степени. Од почетокот на следната недела утрата ќе бидат постудени, со минимални температури…

Апелациониот суд во Скопје донесе одлука со која ја уважи жалбата на портпаролката на Владата, Марија Митева, и ја поништи првичната пресуда со која таа беше осудена за навреда и клевета. Тужбата против неа беше поднесена од страна на Дарко Каевски, тогашен пратеник на СДСМ, а судскиот процес траеше речиси пет години. По објавувањето на одлуката, Митева реагираше истакнувајќи дека овој случај за неа претставува суштинско прашање за правдата и слободата на говор. Таа обвини дека во времето кога СДСМ биле на власт, декларативно се залагале за слобода на изразување, но во пракса се обидувале да ја ограничат преку правни…

Владејачката ВМРО-ДПМНЕ реагираше на денешниот потег на СДСМ да поднесе Предлог-закон за минимална плата од 600 евра. Од партијата велат дека опозицијата конечно ставила на хартија колку би чинела оваа мерка – околу 7,5 милијарди денари или 110 милиони евра – но критикуваат што во предлогот недостасува клучниот детал: од каде ќе се обезбедат тие средства. Според ВМРО-ДПМНЕ, овој предлог е само потврда дека СДСМ имале капацитет да ја зголемат минималната плата и додека биле на власт, но „арамилакот им бил помил“. Во реакцијата се прави споредба со наводните злоупотреби од претходната власт. „Да не дозволеа злоупотреба на околу 170…