Концертот на светската музичка ѕвезда David Guetta насловен како „The Monolith“, кој ќе се одржи по повод 35 години независност на државата, е официјално распродаден, соопштија организаторите од „Авалон Продукција“.
„Ве информираме дека официјално е распродаден целиот капацитет на Арена „Тодор Проески“!
Продадени се 50.000 влезници во помалку од 12 часа!
Повеќе од 250.000 луѓе! , голем дел од нив во ист момент, се приклучија на avalonbooking.mk, што предизвика потешкотии при логирањето и купувањето влезници кај дел од корисниците, земајќи предвид дека побарувачката евидентно го надмина капацитетот и бројот на достапни влезници.
Секој што има купено влезници ќе го добие својот PDF со влезниците најдоцна до недела (17 мај) имајќи предвид дека станува збор за 50.000 влезници кои треба да бидат процесирани.
Би сакале да нагласиме дека статистиката покажува дека 93% од влезниците се продадени на корисници од Македонија, додека останатите 7% се продадени на корисници ширум светот.
Се гледаме на 8 септември во Арена „Тодор Проески“!“, соопштија од „Авалон Продукција“.