Мицкоски - Бомгартнер: Се обврзавме за натамошно зајакнување на билатералните односи

Премиерот Христијан Мицкоски денеска се сретна со Амбасадорот на Република Франција Н.Е. Сирил Бомгартнер.

Разменивме мислења за тековните политички и економски прашања, како и европските интеграции, истакна Мицкоски.

„Франција е наш значаен партнер и пријател. Заедно се обврзавме за натамошно зајакнување на билатералните односи и интензивирање на соработката во различни области од заеднички интерес.

Очекувам продолжување на одличната соработка и реализација на заедничките проекти кои ќе придонесат за подобра иднина за сите нас“, посочи Мицкоски.