Author: Author 04

Автобус излета од коловозот и заврши во канал во близина на наплатната станица Појате, кај Чиќевац. Според првичните информации, возилото се лизнало од патот под околности кои допрва ќе се утврдуваат. Во возилото имало неколку патници кои по несреќата излегле од автобусот и се наоѓаат на местото на настанот, видливо потресени од инцидентот. На автобусот е причинета голема материјална штета, а предното ветробранско стакло е целосно скршено. На терен се испратени работни машини со цел да го извлечат возилото од каналот. Поради интервенцијата и присуството на екипите, сообраќајот во оваа област се одвива отежнато. Засега нема официјални потврди за повредени…

По повод 5 Мај – Денот на македонскиот јазик, политичката партија ВМРО-ДПМНЕ упати честитка до граѓаните, потенцирајќи ја важноста на јазикот како темел на националниот идентитет, културата и државноста. Од партијата нагласуваат дека јазикот е жив доказ за постоењето на македонскиот народ. „Македонскиот јазик е темел на нашиот национален идентитет, нашата култура, историја и државност. Тој е јазикот на нашите предци, јазикот на нашата борба, нашата песна, нашата мисла и нашето постоење. На овој ден се потсетуваме дека македонскиот јазик е аманет што сме должни да го чуваме, негуваме и пренесуваме на идните генерации. Во време кога се соочуваме со…

Претседателката Гордана Сиљановска-Давкова, на маргините на 8. Самит на Европската политичка заедница во Ереван, оствари средба со претседателот на Романија, Никушор Дан. Таа се заблагодари за континуираната поддршка на Романија на македонските евроинтеграции, вклучително и преку групата „Пријатели на проширувањето“, укажувајќи дека истото мора да биде процес врзан за Копенхашките критериуми со почитување на европските принципи и вредности, утврдени во конститутивните акти на Унијата. Според неа, силната регионална соработка е важен фактор на политичкото обединување во ЕУ. Таа го поздрави романското разбирање на македонската аспирација за земја-партнер во иницијативата „Три мориња“. Обајцата сметаат дека добрите политички односи треба да бидат…

Во текот на месецот април, екипите на ЈП Комунална хигиена-Скопје отстранија вкупно 2750 кубни метри мешан комунален, кабаст и градежен отпад од диви депонии лоцирани во сите скопски општини. Најголемо количество непрописно одложен отпад е расчистено во општината Карпош. Во рамките на минатиот месец, Претпријатието подигна и транспортира 14 915 тони мешан комунален отпад од домаќинствата на територијата на градот Скопје. ЈП Комунална хигиена-Скопје продолжува да ја одржува јавната хигиена на скопските булевари и улиците што се во надлежност на Градот Скопје, преку секојдневно машинско и рачно метење и миење, како и плоштадот и улицата Македонија, помалите плоштади Филип Втори, Мајка Тереза и Богородица, пешачките мостови во…

Град Скопје информира дека во четврток, на 7 мај, во раните утрински часови ќе се спроведе првата авионска дезинсекција на подрачјето на градот за оваа година, со цел сузбивање на ларви од комарци. Од надлежните служби посочуваат дека реализацијата на активностите зависи исклучиво од временските услови на теренот. „Доколку временските услови не дозволат изведување на активностите, дезинсекцијата ќе биде одложена за првиот нареден ден со поволни временски услови, во истиот термин“, се вели во известувањето од Град Скопје. Истовремено, упатен е апел до сите пчелари на подрачјето на градот Скопје навремено да ги преземат сите потребни мерки за заштита на…

Германската авиокомпанија „Луфтханза“ донесе одлука за суспендирање на директната линија Франкфурт-Скопје во текот на целиот месец јуни. Истовремено, „Аустријан ерлајнс“ го одложи почетокот на новата авиолинија Виена-Охрид, што претставува нов бран промени во летниот распоред на оваа групација. Последниот директен лет од Франкфурт за Скопје е закажан за 31 мај. До средината на овој месец линијата ќе сообраќа секојдневно, а до крајот на мај бројот на летови ќе се зголеми на девет до десет неделно. Сепак, во текот на јуни нема да има директна поврзаност, а обновување на рутата се очекува од 1 јули, иако распоредот се уште не е…

Американскиот претседател Доналд Трамп упати директно предупредување до Техеран, нагласувајќи дека иранските сили ќе бидат „збришани од лицето на земјата“ доколку се обидат да ги таргетираат американските бродови во Ормутскиот Теснец. Оваа закана доаѓа во рамки на операцијата „Слобода“, која обезбедува придружба на пловила низ овој стратешки важен премин. Трамп информираше дека американските сили веќе уништиле „седум мали ирански чамци“, по нападите врз повеќе пловила во теснецот. Паралелно со тензиите, Германија го пренасочи својот логистички брод „Мозел“ (A512) од Егејското кон Средоземното Море, како подготовка за можно вклучување во мисијата во Ормуз. Во меѓувреме, ситуацијата на Блискиот Исток останува критична…

Стравична експлозија во фабрика за пиротехника во кинеската покраина Хунан однесе најмалку 21 живот, додека 61 лице се повредени. Несреќата се случила во градот Чангша, во објектите на компанијата за огномет „Хуашенг“, пренесуваат државните медиуми „CCTV“ и „Синхуа“. Експлозијата се случила вчера попладне, а на терен веднаш биле испратени речиси 500 пожарникари, спасувачи и медицински персонал. Снимките кои кружат на социјалните мрежи покажуваат густ чад и целосно урнати згради, со остатоци расфрлани низ широка област во близина на фабриката. Поради сериозноста на инцидентот, веднаш реагираше и кинескиот претседател Кси Џинпинг. „Кси повика на брза истрага за да се утврди причината…

Земјотрес со интензитет од 4,1 степен според Рихтеровата скала ноќеска ја потресе Србија. Според податоците на Републичкиот сеизмолошки институт на Србија (РСЗС), потресот е регистриран во 2:35 часот по полноќ во близина на Бездан. Како што соопшти РСЗС, интензитетот во епицентарот е проценет на шест степени од Меркалиевата скала. „Земјотресите со таа јачина можат да предизвикаат помали штети на зградите во епицентралното подрачје“, пренесува Радио-телевизија на Србија (РТС). Епицентарот бил лоциран помеѓу Бездан и Бачки Моноштор, на самиот раб на резерватот „Горње Подунавље“. Потресот бил почувствуван во Сомбор, Апатин и Бездан, но и кај соседите во Хрватска и Унгарија. Граѓаните…

Потпретседателот на Демократската унија за интеграција (ДУИ), Бујар Османи, се наоѓа во дводневна работна посета на Брисел. Според партиското соопштение, тој остварува серија средби со претставници на европските институции и Европскиот парламент. Првиот ден од посетата помина во разговори со Емануел Жиофре од Европската служба за надворешна акција и Валентина Суперти од Директоратот за соседство и проширување (DG NEAR). Османи се сретна и со европратениците Лукас Мандл и Илхан Кјучјук. Денеска, агендата продолжи со средби во кабинетот на комесарката за проширување Марта Кос, како и со европратениците Владимир Пребилич, Тис Ројтен и Матијаж Немец. Во фокусот на разговорите беше нарушувањето…