Силен земјотрес со јачина од 6,7 степени според Рихтеровата скала утрово го погоди источниот брег на Филипините, предизвикувајќи паника меѓу локалното население. Епицентарот на потресот бил лоциран во близина на Бакулин, во провинцијата Суригао дел Сур, на длабочина од околу 10 километри под морското дно.
Сведоци велат дека тресењето траело неколку секунди, при што луѓето во паника ги напуштале објектите. Сеизмолозите предупредуваат дека овој регион е подложен на силни последователни удари.
„Потресот не беше премногу долг, но беше доволно силен за да ги натера луѓето да истрчаат надвор,“ изјавија локалните полициски служби за светските агенции.