Голем број граѓани чекаат ред пред експозитурата на Алта Банка во Битола за да повлечат пари, пишува „4News“ објавувајќи снимки од пред влезот и на скалите на експозитурата.
Ова доаѓа откако Народната банка на Србија ѝ ја одзеде дозволата за работа на Алта банка АД Белград поради значително влошување на финансиската состојба и загрозување на интересите на депонентите.
Од македонската експозитура, односно, Алта банка АД Битола, пак, денеска соопштија дека банката е ликвидна и продолжува со стабилно и непречено работење.