Осумдневен притвор му е одреден на 29-годишниот Х.Ј. од Битола, кој за помалку од 30 часа двапати бил лишен од слобода откако полицијата го затекнала како управува автомобил под дејство на алкохол.
При првата контрола на Битолчанецот му биле измерени 3,23 промили, додека при втората контрола му биле измерени 3,50 промили алкохол во крвта.
Првиот случај бил регистриран на 7 ноември во 21:30 часот, на паркингот кај спортската сала „Боро Чурлевски“ во Битола.
Полициски службеници од СВР Битола запреле патничко возило „Мерцедес“ со битолски регистарски ознаки, управувано од Х.Ј., при што по извршеното алкотестирање и измерените 3,23 промили, лицето било веднаш лишено од слобода.
Помалку од 30 часа подоцна, на 9 ноември во 02:41 часот, истиот возач повторно бил запрен од полицијата на улицата „Партизанска“ во Битола, додека управувал истото возило „Мерцедес“.
При втората проверка му биле измерени 3,50 промили алкохол во крвта, по што повторно бил приведен во полициска станица.
По документирање на случаите, на 29-годишниот битолчанец му е одредена мерка притвор во траење од осум дена.