Владата донесе одлука за санација на штетите од поплавите во тетовско
Отпочнување со постапката за санација на штетите од поплавите во тетовскиот регион од невремето на 5 јуни, е одлуката на Владата на РМ која вечерва беше донесена во рамките на третата седница по информацијата на комисиите од вчерашната состојба на терен.
Како што соопштија од владината прес-служба, формирани се комисии од страна на министерствата за транспорт и врски, за земјоделство шумарство и водостопанство и за животна средина, коишто во соработка со Дирекцијата за заштита и спасување и општината Тетово во изминатото денонокие веќе ги констатирале состојбите на теренот, по што е свикана вечерашната владина седница за побрзо да се интервенира и да се помогне на луѓето кои се засегнати од последиците од временските неприлики.
-На седницата вечерва, информирано е дека постои нанос од песок и земја од околу 70.000 метри кубни, на регионалниот пат Тетово – Јажинце, кај Порој, што е неопходно брзо да биде исчистен. За таа цел задолжени се Дирекцијата за заштита и спасување и општината Тетово веднаш да отпочнат постапка за расчистување на наносот на овој фрекфентен и потребен пат за жителите од овој регион, во што Владата препорача да помогне и АРМ, се наведува во соопштението.
На седницата било информирано дека од поплавите во тетовскиот регион зафатени се 50 хектари земјоделски површини, пред се овошни и градинарски насади и житни култури.
-Владата го задолжи Министерството за земјоделство, шумарство и водостопанство да ја отпочне постапката на прибирање барања од земјоделците за надомест на штети, по што надлежни комисии ќе излезат на терен за увид на штетите и висината на средствата потребна за нивно обештетување, стои во соопоштението од третата седница на Владата на РМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа