Author: Author 04

Романскиот парламент денеска изгласа недоверба на владата предводена од премиерот Илие Боложан, со што се стави крај на мандатот на досегашната проевропска коалиција. За соборување на владата гласаа вкупно 281 пратеник, одлука која во собраниската сала беше дочекана со силен аплауз. По гласањето, Боложан веднаш ја напушти зградата на парламентот, а земјата сега се соочува со потенцијален повеќенеделен застој во формирањето на нов кабинет. Во своето последно обраќање пред пратениците, Боложан упати остри критики кон предлогот за негова смена, нарекувајќи го политички маневар. „Изгледа како да е напишан од луѓе кои не биле во владата секој ден и не учествувале…

Основниот кривичен суд Скопје ги прогласи за виновни тројцата полицајци од Кочани обвинети за злоупотреба на службената положба. На Кире Богатинов и Горан Лазаров им е изречена условна казна затвор од една година, додека командирот на ПС Кочани, Александар Темелков, е осуден на условна казна од две години, која нема да се изврши доколку во период од четири години не стори ново дело. Судијката Лидија Петровска во образложението на пресудата истакна дека судот ги зел предвид олеснителните околности, но нагласи дека суштината на нивната должност изостанала. „Обвинетите своите службени должности ги извршиле само привидно. Формата била запазена, но суштината изостанала.…

Бројот на контроли врз издавањето боледувања во 2025 година е речиси двојно зголемен во споредба со претходната година, информираше денеска генералниот директор на Фондот за здравствено осигурување, Сашо Клековски. Тој истакна дека овие контроли помагаат во лоцирање на недостатоците во системот. „Продолжуваме понатаму со контролите кои истовремено се потврда каде има недостатоци во системот. Сега имаме големо барање од Министерството за одбрана за контроли“, истакна Клековски. ФЗО веќе формираше работна група која работи на измени на правилникот за боледувања. Процесот вклучува консултации со матичните лекари, синдикатите, работодавачите и здруженијата на пациенти за да се утврди каде се најголемите пропусти. Целта…

ЈП Паркинзи на Општина Центар (ПОЦ) воведува нов систем за организација на јавните паркиралишта. Главната новина е што секоја станбена единица ќе добие право на бесплатно паркирање за едно возило во својата зона на живеење. Од претпријатието појаснуваат дека целта на овие измени е да се обезбеди поголема достапност на просторот за локалните жители и подобра ефикасност во управувањето. „Со новиот модел, секоја станбена единица добива обезбедено бесплатно паркирање за едно возило во својата зона, како гаранција за приоритет и достапност за жителите. Дополнително, се овозможуваат и проширени опции за користење на услугите на претпријатието за корисниците кои имаат потреба…

Премиерот Мицкоски ветуваше поевтини горива, но се случи нов бран на поскапувања, нагласи претседателот на СДСМ, д-р Венко Филипче, на денешната прес-конференција. Филипче посочи дека ова е уште еден удар врз семејниот буџет на граѓаните, додека власта упорно одбива да донесе конкретни мерки за заштита на животниот стандард. „Од денеска повторно поскапеа горивата, иако премиерот ветуваше дека тоа нема да се случи. И тоа значи уште еден нов удар врз стандардот и ново покачување на цените.Премиерот и неговата влада сè уште одбиваат да ги прифатат нашите предлог-мерки, да се укине ДДВ-то на храната, со што храната, која значајно поскапе, може…

Лидл Северна Македонија ја започнува кампањата за вработување за работни позиции во логистичкиот центар во Куманово, како и во маркетите ширум земјата. Со слоганот: „Добра игра. Фер плеј“, оваа кампања има за цел да ги доближи можностите што ги нуди Lidl како работодавач и да охрабри што поголем број заинтересирани лица да станат дел од тим кој функционира врз принципи на фер однос, транспарентност и почит. Лидл Северна Македонија нуди јасен и структуриран процес на вработување, како и сеопфатна обука за сите нови вработени. Обуките траат од 6 до 8 недели и се дизајнирани да им овозможат на кандидатите да…

Македонија се подготвува за првиот посериозен топол бран годинава, кој ќе донесе летни температури на воздухот. Според најавите на метеорологот Славчо Попоски, претстојниот викенд ќе обележи значително затоплување низ целата држава. Особено топло ќе биде во централните и југоисточните предели, каде се очекува живата во термометарот да се искачи и до 30 степени. „Полека но сигурно во Македонија ни доаѓаат долго очекуваните летни температури на воздухот, особено за време на викендот кога тие особено во централните и во југоисточните предели ќе се искачат и до 30 степени“, вели Попоски. Освен дневните, значително ќе пораснат и утринските температури, со што целосно…

Ј.К. вработена во Министерството за земјоделство, е осудена на десет месеци затворска казна откако призна вина за примање мито. Случајот е поврзан со посредување при доделување средства од ИПАРД програмата. Судот одреди затворската казна да ѝ се пресметува од 5 ноември 2025 година, период од кога таа се наоѓа во мерка домашен притвор. Освен затворската казна, со судска одлука ќе бидат конфискувани и финансиски средства пронајдени кај осудената. Станува збор за сума од 8.000 евра кои беа запленети за време на полицискиот претрес. Овој предмет опфаќа поширок круг на лица инволвирани во малверзации со земјоделските фондови. „Во предметот се опфатени…

Поднесена кривична пријава против полициски службеник за сторено кривично дело „телесна повреда” Единицата за насилен криминал при СВР Скопје до ОЈО ГОКК поднесе кривична пријава по итна постапка против Р.Р. (39), вработен како полициски службеник во ОЗОЛО- ЕОПРСМ при Министерството за внатрешни работи, поради основано сомнение за сторено кривично дело „телесна повреда” по член 130 став 2 од КЗ, односно затоа што на 02.05.2026 физички ја нападнал неговата 37-годишна сопруга. Р.Р. е лишен од слобода и изведен пред судија на претходна постапка, кој му одредил мерка притвор во траење од осум дена. Одделот за внатрешна контрола криминалистички истраги и професионални…

Министерката за образование и наука, Весна Јаневска, денеска најави нови мерки за зајакнување на безбедноста во училиштата, со посебен фокус на враќање на дежурствата на наставниот кадар во училишните простории и дворови. Јаневска посочи дека иако некои училишта веќе ја применуваат оваа пракса, таа наскоро ќе стане задолжителна за сите, со цел подобра контрола и воспитување на учениците. „Подготвивме неколку прирачници и упатства кои се дистрибуирани до самите училишта и до општините. Вчера веќе најавив дека ќе бидат задолжителни дежурствата на наставниците во училиштата – како во ходниците, така и во училишниот двор. Факт е дека тоа во некои училишта…