Author: Author 03

Генералниот секретар на НАТО, Марк Руте, денес во касарната „Илинден“, Скопје, оствари посета на Армијата, која се реализира во рамки на неговата официјална посета на Република Северна Македонија. Генералниот секретар беше пречекан од началникот на Генералштабот на Армијата, генерал-мајор Сашко Лафчиски и министерот за одбрана Владо Мисајловски. Во рамките на посетата, генералниот секретар се обрати пред припадниците на Армијата истакнувајќи го придонесот што нашата држава го прави во рамки на Алијансата. „Вие навистина дејствувате над вашите капацитети кога станува збор за истурените копнени сили (Forward Lend Forces)“, истакна Руте, потенцирајќи „со тоа се грижите навистина да ја одбраниме секоја педа од…

Израелскиот премиер Бенјамин Нетанјаху потврди дека воените операции против Хезболах во Либан нема да запрат, нагласувајќи дека целта е целосно обезбедување на северните граници на Израел. Во последното обраќање, тој истакна дека израелските одбранбени сили (ИДФ) имаат јасна наредба да дејствуваат со сета расположлива моќ. „Ќе продолжиме да го напаѓаме Хезболах. И му велам на либанскиот народ: нашата војна не е против вас, нашата војна е против Хезболах“, изјави Нетанјаху, прецизирајќи дека нападите се насочени кон инфраструктурата на милитантната група. Проширување на операциите Израелскиот министер за одбрана, Израел Кац, во координација со премиерот, веќе одобри заземање на дополнителни стратешки позиции…

Претседателот на Социјалдемократскиот сојуз на Македонија и пратеник, д-р Венко Филипче, во изјава за медиуми, нагласи дека генералниот секретар на НАТО, Марк Руте, при денешната посета на државата упати јасни пораки до македонската влада, во кои посочи дека Русија е агресор во Украина и прави сојуз со Кина и со Северна Кореја и нагласи дека порака до владата е директна. „Генералниот секретар Руте имаше одличен говор. Сметам дека упати јасни пораки до Владата. Посочи дека Русија е агресор во Украина и дека прави сојуз со Кина и со Северна Кореја“, рече Филипче. Филипче нагласи дека пораката до Владата е директна…

Претседателот на СДСМ, Венко Филипче, во денешната изјава во Собранието, се осврна на значењето на членството на Македонија во НАТО, во време на војни и глобалната безбедносна криза, за безбедноста на граѓаните и границите. „Членството во НАТО е резултат на стратешките, визионерските, државничките политики на Социјалдемократскиот сојуз изминатите повеќе децении. Тој пат не беше лесен, меѓутоа сега конечно ние може да се чувствуваме безбедни, нашите граници се гарантирани, поради тоа што благодарение на тие политики сме дел од најголемиот безбедносен сојуз во светот. Колку е тоа важно, гледаме сега, посебно во овие кризни времиња, кога во повеќе места во светот…

Прилепската полиција поднесе кривична пријава против 65-годишниот К.Н. од Прилеп, поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурзори“. На 15 март 2025 година, во Казнено-поправна установа Прилеп, затворската полиција извршила претрес на пратка наменета за еден осуденик, при што пронашле и одзеле кокаин, соопштија од МВР во дневниот билтен. По целосно документирање на случајот, надлежните ќе продолжат со соодветни мерки и постапки.

Возач со автомобил марка „шкода“ имаше тешка сообраќајна несреќа, качувајќи се на жардиниера кај Соборниот храм. Од силината на ударот, предниот дел од возилото е целосно вдлабнат и видно оштетен, што укажува на силен директен судир. Засега нема официјални информации за причините поради кои дошло до несреќата, ниту за состојбата на возачот и можните патници во возилото. Се очекува надлежните институции да излезат со повеќе детали по извршениот увид на местото на настанот. објави Скопје1.мк.

Израелските одбранбени сили (ИДФ) упатија драматично предупредување до жителите на иранската престолнина Техеран, повикувајќи ги на итна евакуација. Овој потег се смета за сигурна најава за нов, уште посилен бран воздушни напади врз стратешки цели во срцето на Иран. Цел: Државната телевизија и воените центри Посебен акцент во предупредувањето е ставен на реонот каде што е сместено седиштето на иранската државна телевизија. Паралелно со Техеран, слични наредби за евакуација беа издадени и за неколку клучни локации во Либан, што потврдува дека Израел ги проширува воените активности на два фронта истовремено. Биланс од претходните напади Армијата соопшти дека пред само два…

Во потег кој може да доведе до драстичен скок на цените на енергенсите и колапс на светската трговија, Иран официјално го затвори Ормутскиот теснец. Веста ја потврди Револуционерната гарда преку иранските државни медиуми, нагласувајќи дека преминот е под нивна целосна контрола. „Ќе го запалиме секој брод“ Заканата од Техеран е недвосмислена и воено агресивна. Командантот на Револуционерната гарда испрати застрашувачко предупредување до сите меѓународни превозници и воени морнарици. „Клучниот пат е затворен. Иранската војска ќе го запали секој брод што ќе се обиде да помине низ него“, изјави командантот, ставајќи го во состојба на максимална тревога целиот регион. Зошто Ормутскиот…

Амбасадата на Србија во Тел Авив започна итна процедура за евакуација на српските државјани од Израел како одговор на драматичната ескалација на конфликтот на Блискиот Исток. Поради затворените рути и зголемениот ризик, евакуацијата се одвива преку алтернативни правци. Коридор преку Египет до Белград Според официјалното соопштение на српското дипломатско претставништво, планот за извлекување предвидува две фази: „Амбасадата и Министерството за надворешни работи се во постојан контакт со нашите државјани. Внимателно ја следиме состојбата на теренот со цел да се осигура безбедноста на секој поединец“, објавија од Амбасадата на мрежата „Икс“. Активиран кризен штаб во Белград Во рамките на српското Министерство…

Македонскиот фудбалер Стефан Ашковски е еден од нашите државјани кои беа евакуирани од Иран по почетокот на воените случувања на Блискиот Исток. Од Министерство за надворешни работи информираа дека Ашковски преку Турција бил успешно извлечен од Иран. Во овој момент нема официјална потврда дали фудбалерот сè уште се наоѓа во Турција или веќе е вратен во Македонија. Ашковски е член на иранскиот клуб Мес Рафсанјан, за кој потпиша во јануари годинава.