Author: Author 01

ВМРО-ДПМНЕ денеска преку соопштение до јавноста велат дека очигледна е паниката во редовите на СДС по апсењето на екс вицепремиерот Артан Груби. -Институциите си ја завршија работата и го доведоа Груби пред лицето на правдата. Криминалецот Груби беше во бегство година дена, откако се отвори постапка за негова вина во случајот со Државната лотарија за проневера на државни пари во вредност од над 8 милиони евра. Милионските криминали во Државна лотарија се случувале под покровителство на СДС и ДУИ. Додека се злоупотребувале парите на граѓаните СДС знаеле, молчеле и не реагирале поради коалициски мир со ДУИ, за да не им…

На крајот на месец Март, Македонија преминува од зимско кон летно сметање на времето. Стрелките на часовниците ќе се поместат за еден час нанапред, на 29 март во 02:00 часот, а потоа ги поместуваме часовниците за еден час нанапред, до 03:00 часот. Со оваа промена, денот ќе станува „подолг“, а ноќта за еден час пократка. Летното сметање на времето ќе трае до последната недела во октомври, кога часовниците повторно се враќаат еден час наназад.

На Попова Шапка изутрина во 7 часот термометрите покажаа -4 степени, со снежна покривка од 89 сантиметри. Минусни температури се измерени и во Маврови Анови (-2) и во Охрид (-1), додека во Битола и Крушево температурата е 0 степени. Во Берово и Претор се измери 1 степен, во Прилеп, Тетово, Демир Капија, Виница и Крива Паланка 2 степени, во Скопје-Петровец, Струмица и Штип 4 степени, додека во Скопје-Зајчев Рид, Велес и Кавадарци се измерени 6 степени, а во Гевгелија 10 степени. Според најавата на Управата за хидрометеоролошки работи, денеска ќе преовладува сончево време со мала до умерена облачност. Ќе дува…

Во Куманово денеска ќе се одржи Регионален форум на заедницата за Североисточен регион, организиран од Национален ромски центар – НРЦ Куманово. Настанот има за цел унапредување на капацитетите за спроведување на Зелената агенда за Западен Балкан (ЗАЗБ) на локално ниво. Форумот ќе овозможи споделување успешни практики за воспоставување функционални собирни центри и долгорочно решавање на проблемот со градежен шут. Како што се посочува во најавата, општините се должни да воспостават еден или повеќе собирни центри за посебни текови на отпад од домаќинствата, каде комуналниот отпад и отпадот за рециклирање се оставаат бесплатно. Поради големиот волумен или опасните својства, одреден отпад…

Во Скопје денеска ќе се одржи панел-дискусија на тема: „Од инциденти до системски ризици: Надворешните влијанија како тест за медиумската отпорност“, на која ќе биде презентиран документот за јавни политики „Медиумскиот екосистем и странското мешање и манипулирање со информации (СММИ)“. Според соопштението на Институт за комуникациски студии, странското мешање и манипулирање со информации претставува сложен системски ризик за демократските општества, кој се појавува и се засилува преку медиумите. Овој феномен се остварува преку координирани активности на странски државни и недржавни актери, нивни посредници и усогласени канали, користејќи ја економската, институционалната и дигиталната ранливост на медиумите за влијание врз јавната дебата…

СДСМ денеска преку соопштение до јавноста велат дека власта се нема откажано од авионот и одбива да направи ребаланс на буџетот и парите да ги пренамени за плати. -Власта се нема откажано од авионот. Буџетот на СОЗР за оваа 2026 година беше зголемен за 124 милиони денари и тој е непроменет. Во Категорија 48 (Капитални расходи), под ставката за опрема, оваа сума соодветствува на годишна рата за купување авион со рок на отплата од повеќе години. Власта одбива да направи ребаланс на буџетот и парите да ги пренамени за плати. Тоа потврдува дека авионот не е избришан од Буџетот, велат…

Зоран Љутков, министер за култура и туризам, денеска ќе престојува во работна посета на Кичево, каде ќе оствари средби со претставници на локалната самоуправа и институциите од областа на културата. Во рамки на посетата, министерот Љутков заедно со градоначалникот Александар Јовановски ќе одржат прес-конференција во просториите на Општина Кичево, по повод изборот на градот за Град на културата 2026.

Демократската унија за интеграција преку соопштение до јавноста изразува крајно негодување од однесувањето на бројни политички партии, кои преку своите јавни настапи, според нив извршиледлабока политизација на случајот со Артан Груби, кој беше уапсен пред два дена на Граничниот премин Блаце. -Изминативе два дена сведочиме на тоа како политичките партии, нивни високи претставници и активисти, преку соопштенија и други јавни настапи, создаваат атмосфера на хистерија и линч преку однапред дефинирана пресуда. Тие целосно ја преземаат улогата на обвинители и судии, расфрлајќи се со мерки за претпазливост, јавно повикуваа на линч на претставниците на обвинителството и судот, без никакво елементарно почитување…

Во Тетово денеска започнува дводневниот настан Global Digital City 2026, посветен на развојот на BPO и ИКТ секторот, унапредување на дигиталните вештини, иновациите и зголемување на вработливоста кај младите. Како што информираат организаторите, настанот ќе ги собере институциите, претставници на индустријата, меѓународни компании, академската заедница и млади професионалци од регионот, со цел размена на искуства и поттикнување соработка. Во рамки на програмата се предвидени обраќања, панел-дискусии, обуки и презентации на компании, како и организирани средби за вмрежување и други активности. Посебен акцент ќе биде ставен на можностите за вработување и развој на практични вештини кај студентите и младите лица.

Во Собранието на Република Северна Македонија денеска ќе се одржи настан на тема „Унапредување на правото на здравје за лицата со попреченост“, на кој ќе бидат презентирани резултатите од анализа за предизвиците со кои се соочуваат семејствата на лицата со попреченост, како и предлог-решенија поврзани со нивниот медицински третман. Според собраниската прес-служба, настанот го организира Интерпартиската парламентарна група за правата на лицата со попреченост, во соработка со „Зета – организација за попреченост и правда“, Здружението на лица со церебрална парализа и други попречености – Велес, „Порака“ – Неготино и „Еко – Живот“ – Кавадарци. Активноста е дел од проектот „Соочување…