Охрид Мол преку социјалната мрежа Фејсбук, сподели снимка од моторџии кои дивеат на на паркинг-просторот на трговскиот центар.
-Во изминатиот период, во повеќе наврати е забележано несовесно и опасно управување со мотоцикли на паркинг просторот на „Охрид Мол“. Ова вклучува возење со брзина, возење на едно тркало, како и изведување ризични маневри и паркирање на несоодветни места, со што директно се загрозува безбедноста на посетителите, закупците и вработените во „Охрид Мол“.
Ве информираме дека сите вакви инциденти се евидентираат преку системот за видео надзор и безбедносните камери на трговскиот центар и ќе бидат доставени до надлежните институции за понатамошно постапување со цел соодветно санкционирање.
Ви благодариме за разбирањето и соработката.
Од менаџментот на „Охрид Мол“, стои во објавата на Фејсбук.