Шеесет и седумгодишен охриѓанец загина откако со мопед изгубил контрола и паднал на коловозот. Несреќата се случила вчера околу 11:30 часот на улицата „15 Корпус“ во Охрид.
Од здобиените повреди мажот починал на местото, а смрт констатирала екипа на Итната медицинска помош.
По наредба на јавен обвинител, телото е предадено на обдукција. Увид извршиле јавен обвинител и екипа на СВР Охрид.