По повод Светскиот ден на мултиплекс склероза (МС), здружението Мобилност Скопје, со поддршка од Град Скопје, денеска по единаесетти пат организира мирен марш со цел подигнување на јавната свест за лицата со мултиплекс склероза, параплегија, дистрофија и детска парализа.
Организаторите посочуваат дека маршот има за цел да го истакне значењето на еднаквите можности, почитувањето на правата на лицата со попреченост и нивната поголема интеграција во општеството.
Собирот е закажан за 10 часот пред „Порта Македонија“, каде се очекува присуство на членови, поддржувачи, јавни личности, претставници од здравствениот и политичкиот сектор, како и медиуми.
Во 11 часот учесниците ќе започнат мирен марш по улицата „11 Октомври“, кој ќе продолжи кон Собранието и ќе заврши кај ДХО „Даре Џамбаз“.