Неколку скопски населени места и улици утре (3 ноември) ќе имаат привремен прекин во снабдувањето со електрична енергија поради планирани технички интервенции на дистрибутивната мрежа.
Во периодот од 08:30 до 11:30 часот, без струја ќе останат корисниците од дел од улиците „Жан Жорес“, „Ордан Чопела“ и „Иван Наумов Алабакот“ во општина Гази Баба. Прекинот е поради изведување активности во ТС Маџари 9, кои опфаќаат чистење, проверка на расклопната опрема и долевање масло во кабловските глави и трансформаторот.
Од 08:40 до 10:40 часот, поради планирани работи во близина на 10-киловотен далековод, без снабдување со електрична енергија ќе останат жителите на селото Мралино во општина Илинден.
Во попладневните часови, од 12:00 до 15:00 часот, нов прекин ќе има на дел од улиците „Благоја Стефковски“ и „Анри Барбис“ во Гази Баба. Причина за прекинот се планирани зафати за чистење, проверка на расклопната опрема и долевање масло во ТС Маџари 8.