Американскиот претседател Доналд Трамп изјави дека Ормускиот теснец, кој во моментов е блокиран од иранските сили, ќе биде отворен „многу наскоро“ или Иран ќе се соочи со силен воен удар од страна на САД.
Трамп ги упати овие пораки во интервју за телевизијата „Фокс њуз“ од Јужна Калифорнија, каде што присуствуваше на настан за собирање средства за Републиканскиот национален комитет на неговиот голф-терен „Ранчо Палос Вердес“ во областа на Лос Анџелес.
„Теснецот ќе биде отворен многу наскоро, или Иран ќе биде погоден многу силно, а потоа теснецот ќе биде отворен“ – рече Трамп.
Истовремено, американскиот државен секретар Марко Рубио претходно соопшти дека е постигнат одреден напредок во разговорите со Иран и Оман, земји кои имаат контрола врз овој стратешки важен воден пат за глобалниот транспорт на нафта.
Сепак, како што истакна Рубио, сè уште не е постигнат конечен договор за целосно деблокирање на Ормускиот теснец.