Во рамки на официјалната посета во Соединетите Американски Држави, министерката за енергетика, рударство и минерални суровини, Сања Божиновска оствари средба во белата куќа со Jarrod Agen, Заменик-советник на претседателот Доналд Трамп и извршен директор на Националниот совет за енергетска доминација на САД.
Средбата се одвиваше во отворен и суштински дијалог, со јасно дефиниран фокус на стратешките приоритети и конкретните насоки за унапредување на соработката, при што од двете страни беше оценета како особено продуктивна и корисна.
Jarrod Agen е висок функционер со значајна улога во креирањето и координацијата на енергетските политики на САД, со директен увид во стратешките приоритети и развојните процеси во секторот. Неговото искуство и познавање на глобалните енергетски текови
претставуваат важна основа за развој на идни партнерства и проекти.
На средбата беа разменети ставови за унапредување на двостраната соработка во
енергетскиот сектор, со акцент на:
- енергетската безбедност и стабилност на снабдувањето;
- диверзификацијата на енергетските извори;
- развој на стратешки инфраструктурни проекти од заеднички интерес.
Министерката Божиновска ја истакна подготвеноста на Северна Македонија за продлабочување на соработката и реализација на конкретни иницијативи, нагласувајќи
дека партнерството со САД претставува значаен фактор за долгорочна стабилност и развој
на енергетскиот сектор.
Извршниот директор на Националниот совет за енергетска доминација на САД, Аген, пак
истакна дека меѓу двете земји постојат толку многу можности за соработка што можат да
го променат енергетскиот пејзаж во регионот со децении.
Соговорниците се согласија дека постои јасен потенцијал за интензивирање на
соработката, со фокус на проекти кои ќе донесат конкретни резултати и ќе придонесат за
економски развој и енергетска сигурност на двете земји.
Оваа средба е дел од серијата билатерални средби на министерката Божиновска, која како
дел од високата владина делегација на втората сесија од Стратешкиот дијалог меѓу двете
земји, каде се разговара за унапредување на соработката со САД во повеќе клучни
области: енергетика, економија, безбедност и технологија.