Страшна несреќа во Скопје: Почина жена откако во неа удри автомобил

Вчера во 18:19 часот во СВР Скопје е пријавено дека на ул.„Методија Андонов Ченто“ во Скопје, патничко возило „фолксваген пасат“ со скопски регистарски ознаки, управувано од И.С.(62) од Скопје, удрило во 81-годишната Р.А. од с.Стајковци, скопско, соопштија од МВР.

Во несреќата со тешки телесни повреди се здобила Р.А., која од здобиените повреди подоцна починала во Комплекс клиники „Мајка Тереза“ Скопје. По насоки на јавен обвинител телото на починатата било предадено на обдукција.

Извршен бил увид од увидна екипа од СВР Скопје.