Полицијата презема мерки за пронаоѓање на 14-годишно девојче, чие исчезнување било пријавено во Полициската станица Тетово.
Според информациите од Министерството за внатрешни работи, случајот бил пријавен вчера.
На 26 октомври, во 12:30 часот, 32-годишната Г.К. од Кичево, која престојувала на гости во Тетово, пријавила дека од домот се оддалечила нејзината 14-годишна ќерка Е.К., информираат од МВР.
Полициските службеници работат на расчистување на случајот и пронаоѓање на малолетничката.