Времето утре променливо облачно со сончеви периоди. Ќе дува умерен до засилен ветер од северозападен правец, кој наместа долж поширокото Повардарие повремено ќе биде силен (над 60 km/h), соопштија од УХМР.
Во Скопје, променливо облачно со сончеви периоди. Ќе дува умерен, во делови од котлината повремено засилен ветер од северен правец.
Од УХМР најавија дека следува период на променливо облачно време. По одделни котлини ќе има услови за појава на утринска магла.
Во петок и во деновите од викендот ќе има повремени локални врнежи од дожд. Ќе дува умерен, а утре наместа долж Повардарието повремено засилен до силен ветер од северозападен правец (над 60 km/h).