Штип: „Полицаецот ми нареди да го кршам законот“

Штипски полицаец си заработи кривична пријава, откако во месец октомври принудил селанец да врши нелегална сеча на огревни дрва.

Според информациите од полицијата, 48 годишниот штипјанец Т.М., успеал да го принуди 38 годишниот Т.С. од село Јонузлија да врши нелегална сеча на огревни дрва во плачковичкиот реон на општина Карбинци. Откако ќе ги исечел, Т.С. дрвата ги оставал во близина на Јонузлија, па потоа пријавениот си ги земал и си ги превезувал со негово возило.