Пожар во Македонија: Целосно изгорена плевна- штетите дополнително ќе се утврдуваат
Целосно изгоре плевна во густо населениот дел на кривопаланечката населба Маневци, а брзата интервенција на пожарникарите спречила проширување на пожарот на соседните објекти.
Во текот на вчерашниот ден Територијалната противпожарна единица од Крива Паланка интервенирала на дојава за запален придружен објект, плевна, со површина од околу 30 метри квадратни во населбата Маневци, место викано Вада.
- Дојавата ја примивме околу 15 часот и 25 минути, при што интервенираше едно возило, додека подоцна, уште две возила вршеа дотур на вода и вкупно петмина пожарникари го гаснеа пожарот, при што е спречено проширување на огнот на соседните објекти. Плевната-штала е во сопственост на С.Ј. Изгореа и пет тони сено кои се наоѓале во објектот, а целосно е уништена и крвоната конструкција, информира Иле Коцевски, командир на ТППЕ, Крива Паланка.
Материјалната штета и и причините за настанување на пожарот дополнително ќе се утврдуваат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
