Холивуд тагува: Почина холивудскиот ветеран
Легендарниот холивудски кинематограф Михаел Балхаус почина во својот дом во Берлин, на 81-годишна возраст, по кусо боледување.
Тој на публиката и е познат по филмовите „Добри момчиња", „Бандите на Њујорк" и оскаровецот „Покојните" на Мартин Скорсезе.
Балхаус својата кариера ја започнал во Германија во 1960-те и 70-те, работејќи со режисери како Рајнер Вернер Фасбиндер, пред да се пресели во САД. Наредните четири десетлетија, тој е ангажиран во бројни проекти на Скорсезе, Френсис Форд Копола, Роберт Редфорд...
Три пати е номиниран за „Оскарот" за кинематографија, но никогаш не ја доби престижната статуетка.
Минатата година, Михаел Балхаус ја доби почесната „Златна мечка“ за особен придонес во седмата уметност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа