Голема акција на српската полиција: Запленети 300 килограми кокаин - уапсени предводниците на навивачките групи
300 килограми кокаин се запленети во заедничка акција на српската и германската полиција во Србија. Како што јавуваат локалните медиуми приведени се над 30 лица а по неколкумина се уште се трага.
По 13 месеци истрага, спроведена е акција за приведување во неколку градови во Србија. Некои од лицата живеат на територијата на Германија па затоа неопходна е меѓународна соработка – истакна на прес конференција утрово српскиот министер за внатрешни работи Небојша Стефановиќ кој потенцираше дека ова е силен удар на организираните нарко картели.
Според информациите од српското МВР запленети се 303 килограми кокаин, поголема количина на марихуана и 106 килограми хашиш, а откриени се и 107 лаборатории за наркотици. Вкупната вредност на дрогата како што информираше српскиот министер изнесува над 20 милиони евра.
Голем дел од приведените се предводници на локални навивачки групи.
Уапсени се и двајца курири кои носеле поголема количина наркотици. Дрогата е запленета на територијата на Србија и Унгарија.
Министерот Стефановиќ соопштил дека полицијата привела 33 предводници на навивачки групи од Белград.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа