Спасов: 100% обесштетување за граѓаните од поплавените подрачја, 50% поголема помош за социјално загрозените
Граѓаните од поплавените подрачја ќе добијат 100% обесштетување од Владата. На терен се тимовите за проценка на штетите и до сега се попишани околу 2.500 семејства, појасни министерот за труд и социјална политика Диме Спасов на вестите на Сител.
По проценките започнува втората фаза а тоа е утврдување на детална проценка.
-Очекуваме до среда да заврши теренската проверка со што ќе бидат посетени сите домаќинства. Потоа започнува деталната проценка и исплатата. Она што е најбитно е дека се што се оштетило во поплавите ќе биде обесштетено, вели Спасов.
Уште една од мерките на Владата е и зголемување за 50% на социјалната помош за сите приматели на истата.
-Најпогодени во поплавите се социјално загрозените граѓани. Сите приматели на социјална помош согласно последниот пакет кој го донесе Владата, ќе добијат 50% зголемената социјална помош за 3 месеци. Центрите за социјална работа, утврдија дека околу 550 семејства од социјален ризик се погодени во поплавите. Очекуваме до крајот на август центрите да донесат решенија за исплата, вели Спасов.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа